শদিয়া, 17 নৱেম্বৰ : কাকপথাৰৰ জ্যেষ্ঠ সাংবাদিক পৰাগ ভূঞাক পৰিকল্পিতভাৱে হত্যা কৰাৰ সন্দেহত ৰাজ্যজুৰি অব্যাহত আছে প্ৰতিবাদ ৷ এক ৰহস্যজনক পথ দুৰ্ঘটনাত মৃত্যু হোৱা সাংবাদিক পৰাগ ভূঞাৰ হত্যাৰ উচ্চ পৰ্যায়ৰ তদন্তৰ লগতে সাংবাদিকৰ নিৰাপত্তা সু-নিশ্চিত কৰাৰ দাবীত কাকপথাৰতো সাংবাদিকে সাব্যস্ত কৰে প্ৰতিবাদ ৷
প্ৰয়াত সাংবাদিক পৰাগ ভূঞাৰ বাসগৃহৰ সন্মুখত সাংবাদিকসকলে ভূঞাৰ মৃত্যুৰ উচ্চ পৰ্যায়ৰ তদন্তৰ দাবীত হাতে হাতে প্লে কাৰ্ড লৈ ধাৰাবাহিক আন্দোলন অব্যাহত ৰাখিছে ৷ অসমৰ সাংবাদিকৰ হত্যা বন্ধৰ লগতে সাংবাদিকৰ নিৰাপত্তা সু-নিশ্চিত নকৰাৰ পৰ্যন্ত আন্দোলন অব্যাহত ৰখাৰ কথা জানিবলৈ দিয়ে কাকপথাৰ প্ৰেছ ক্লাবৰ বিষয়ববীয়াই ৷
লগতে পঢ়ক: ৰঙাপৰাত যুৱতীৰ মৃতদেহ উদ্ধাৰঃ ধৰ্ষণ কৰি হত্যাৰ সন্দেহ
