তিনিচুকীয়া, 4 জুন : তিনিচুকীয়াৰ বাঘজানত হস্তনিৰ্মিত বন্দুকৰ লগতে ভালে সংখ্যক আপত্তিজনক সামগ্ৰী উদ্ধাৰ হোৱা ঘটনাক লৈ তীব্ৰ চাঞ্চল্য সৃষ্টি হৈছে ৷ জানিব পৰা মতে বাঘজান আৰক্ষীয়ে বাঘজান গাঁৱৰ সুমিত্ৰ মৰাণ নামৰ এজন লোকৰ ঘৰত চলাইছিল এক অভিযান ।
উক্ত অভিযানত সুমিত্ৰ মৰাণক আটক কৰিবলৈ সক্ষম নহ’ল যদিও এটা হস্তনিৰ্মিত বন্দুক, ফটকাৰ লগতে ভালেসংখ্যক সন্দেহযুক্ত সামগ্ৰী উদ্ধাৰ কৰে । উল্লেখ্য যে, যোৱা কিছুদিনৰ পৰাই বাঘজানত ডকাইতি, ধনদাবী আদি ঘটনা সংঘটিত হোৱাৰ এক গুৰুতৰ অভিযোগ উত্থাপিত হৈ আহিছে । এইক্ষেত্ৰত বাঘজান আৰক্ষীয়ে বৰ্তমান তদন্ত অব্যাহত ৰাখিছে ৷
লগতে পঢ়ক: বকোৰ ৰাজাপাৰাত ঘাইপথৰ সমীপতে বন ধ্বংস যজ্ঞ : নিৰ্বিকাৰ বন বিভাগ
