ডুমডুমা, 5 নৱেম্বৰঃ তিনিচুকীয়াৰ ফিল'বাৰী অঞ্চলৰ অতি ভিতৰুৱা ১নং পিঠাগুটি গাঁৱৰ পৰা দিল্লীত এফএফডৱ্লিও (FFW) খেলত প্ৰশিক্ষণ গ্ৰহণ কৰাৰ লগতে ভাৰতৰ হৈ প্ৰতিদ্বন্দিতা কৰিবলৈ কঠোৰ অনুশীলনত ব্যস্ত অসম কন্যা তনু ঠাকুৰী ৷ অসম কন্যা তনু ঠাকুৰীৰ মাতৃ প্ৰতিমা ঠাকুৰী আৰু পিতৃ ক্ষীমৰাজ ঠাকুৰী ক্ষুদ্ৰ চাহ খেতিয়ক ৷
উল্লেখ্য যে বিদ্যালয় পৰ্যায়ত প্ৰায় সকলো বহিঃ ক্ৰীড়াত অংশগ্ৰহণ কৰি সফলতা অৰ্জন কৰিবলৈ সক্ষম হোৱা এই প্ৰতিভাৱান যুৱতী গৰাকীয়ে খেলিবলৈ অনুপ্ৰেৰণা লাভ কৰিছিল নেপালৰ এগৰাকী ফেচবুক ফ্ৰেণ্ডৰ পৰা ৷ আনহাতে উচ্চতৰ মাধ্যমিক পৰ্যায়তে পঢ়া বাদ দি তনুৱে ফেচবুকৰ জৰিয়তে নেপালৰ মহিলা খেলুৱৈগৰাকীৰ সৈতে চিনাকী হৈ প্ৰথমে নেপালত খেলাৰ সুযোগ লাভ কৰে ৷ পাছত ভাৰতৰ খেলুৱৈৰ সৈতে পৰিচয় হৈ শেহতীয়াকৈ যোৱা ৫ অক্টোবৰত দিল্লীলৈ গৈ বৰ্তমান কঠোৰ অনুশীলনত ব্যস্ত হৈ পৰিছে প্ৰতিভাৱান খেলুৱৈগৰাকী ৷ ইপিনে তনুৰ প্ৰশিক্ষকেও তনু ভাৰতৰ আগশাৰীৰ ৰেষ্টলাৰৰ ভিতৰত এগৰাকী হ'ব বুলি আশা কৰিছে।
লগতে পঢ়কঃ দিল্লী চৰকাৰৰ স্বাস্থ্য সম্বন্ধীয় নিৰ্দেশনা: ৰাইজক ঘৰৰ ভিতৰত থাকিবলৈ পৰামৰ্শ
