তিনিচুকীয়া, 1 মাৰ্চঃ CAA বিৰোধী আন্দোলনত ডিব্ৰুগড় বিশ্ববিদ্যালয় ছাত্ৰ সমাজৰ প্ৰতিবাদী কন্ঠ ৰাজ্য তথা দেশবাসীৰ মাজত বলিষ্ঠ ৰূপত উপস্থাপন কৰি দিয়াক লৈ উৎফুল্লিত বিশ্ববিদ্যালয়ৰ শিক্ষাৰ্থী সমাজ । দেওবাৰে নাহৰৰ দেশ খ্যাত বিশ্ববিদ্যালয়খনিৰ চৌহদত ভূয়সী প্ৰশংসা ই টিভি ভাৰতৰ সাংবাদিকক । ইটিভি ভাৰতৰ তিনিচুকীয়াৰ ব্যু’ৰ চীফ প্ৰশান্ত খাটোৱাল,ডিব্ৰুগড়ৰৰ ব্যু’ৰ চীফ জেচিম আহমেদ,যোৰহাটৰ ব্যু’ৰ চীফ দীপক মুক্তিয়াৰ আৰু লক্ষীমপুৰৰ ব্যু’ৰ চীফ নীলপৱন সভাপণ্ডিতক মৰম-শুভেচ্ছা আৰু কৃতজ্ঞতা জনালে বিশ্ববিদ্যালয় ছাত্ৰ সমাজে । ডিব্ৰুগড় বিশ্ববিদ্যালয়ৰ অতিকৈ খ্যাত মফিজউদ্দিন আহমদ হাজৰিকা ছাত্ৰাবাসত চলি থকা মহিলা ভলীবল প্ৰতিযোগিতাৰ মাজতে ইটিভি ভাৰতৰ চাৰি সাংবাদিকক বিশেষভাবে সম্বৰ্ধনা জনোৱা হ'ল দেওবাৰে বিয়লি । এই খেলখনৰ যোগেদিও CAA বিৰোধিতা অব্যাহত ৰাখে শিক্ষাৰ্থী সকলে । ভলিবল প্ৰতিযোগিতাখনি অত্যন্ত ৰোমাঞ্চকৰ হৈ থকাৰ মাজতে বাতৰি সংগ্ৰহ কৰিবলৈ উপস্থিত হৈছিল ইটিভিৰ উজনিৰ এই সাংবাদিকৰ দলটো । ইয়াৰ মাজতে উৎফুল্লিত হৈ পৰা শিক্ষাৰ্থী সকলে শলাগ জনাই আৰু একোখনকৈ ফুলাম গামোচাৰে সম্বৰ্ধনা জনাই ৷
আৰু পঢ়কঃ ৰাজ্যসভালৈ পুনৰ বিশ্বজিৎ দৈমাৰীক প্ৰক্ষেপ বিপিএফ দলৰ
