ডুমডুমা,20মে’: দেশত ক’ৰণা মহামাৰীয়ে ভয়াৱহ ৰূপ ধাৰণ কৰাৰ সমান্তৰালভাৱে ৰাজ্যতো ক্ৰমাৎ জটিল হৈ পৰিছে ক’ভিড পৰিস্থিতি ৷ কিন্তু তাৰ মাজতে ৰাজ্যত বৃদ্ধি পাৱলৈ ধৰিছে অপৰাধ জনিত ঘটনাও ৷
প্ৰতিদিনে আৰক্ষীৰ অভিযানত উদ্ধাৰ হৈছে নিচাঁজাতীয় সামগ্ৰী ৷ তাৰ মাজতে বৰডুমচাৰ মহং গাঁৱত ড্ৰাগছসহ চাৰিটাকৈ ড্ৰাগছ সৰবৰাহী আটক কৰিছে গাঁওৰক্ষী বীহিনীয়ে ৷ উল্লেখযোগ্য যে, অসম-অৰুণাচল সীমান্তৱৰ্তী ২ নং মহং গাঁৱত স্থানীয় গাঁওৰক্ষী বাহিনীয়ে তৎপৰতাত ড্ৰাগছ সহ চাৰি সৰবৰাহকাৰীক আটক কৰিবলৈ সক্ষম হৈছে ৷
ধৃত সৰবৰাহী কেইটা অৰুণাচল প্ৰদেশৰ বৰডুমচা চাৰ্কোলৰ গিডিং নিৱাসী অইচৈদেং চাৱিং (৩৫), সংগ্ৰিণ চিংফৌ (৩৭), ৰাজেন উৰাং (৩২) আৰু গেলেঞ্জা নিৱাসী ইন্দ্ৰেশ্বৰ দেউৰী (৩৮) বুলি জানিব পৰা গৈছে ৷ তাৰ পিছতে সৰবৰাহকাৰী কেইটাক আটক কৰি গাঁওৰক্ষী বাহিনীয়ে আৰক্ষীয়ে চমজাই দিয়ে ৷
