তিনিচুকীয়া,23 মাৰ্চ: প্ৰথম পৰ্যায়ৰ নিৰ্বাচনৰ বাবে মাজত মাথো কেইটামান দিন বাকী । এক কথাত কবলৈ গ’লে ৰাজ্যত এতিয়া প্ৰায় সকলো শ্ৰেণীৰ লোকৰ মাজত চলিছে নিৰ্বাচনী জ্বৰ । কোনো ফালৰ পৰা পিছ পৰি ৰোৱা নাই, ১২৩ নং ডিগবৈ বিধানসভা সমষ্টিৰ প্ৰাৰ্থীসকলো । ডিগবৈ বিধানসভা সমষ্টিৰ বিজেপি প্ৰাৰ্থী সুৰেণ ফুকনৰ সমৰ্থকে দেওবাৰে এক বিশাল বাইক ৰেলী বাহিৰ কৰে ৷
ডিগবৈৰ পাৱৈ হাইস্কুল খেলপথাৰৰ পৰা বাহিৰ কৰা এই ৰেলীত সমষ্টিটোৰ দহখন পঞ্চায়ত আৰু দুখন টাউন কমিটিৰ প্ৰায় সহস্ৰাধিক মটৰ চাইকেল আৰোহীয়ে অংশগ্ৰহণ কৰে ৷ ডিগবৈ সমষ্টিৰ বিভিন্ন পঞ্চায়তৰ গাঁৱে-গাঁৱে পৰিভ্ৰমণ কৰি সাধাৰণ ৰাইজৰ মাজত প্ৰচাৰ চলাবলৈ সুৰেণ ফুকনৰ সমৰ্থকসকলে এই ৰেলীটো বাহিৰ কৰে ৷ বিজেপি প্ৰাৰ্থী সুৰেণ ফুকনে আগন্তুক নিৰ্বাচনত সমষ্টিটোৰ পৰা প্ৰায় সত্তৰ হাজাৰৰো অধিক ভোটৰ ব্যৱধানত জয় লাভ কৰিব বুলি মন্তব্য আগবঢ়ায় ৷
লগতে পঢ়কঃ কাৰাগাৰৰ পৰা লিখা অখিল গগৈৰ এখন পত্ৰই জোকাৰিছে ৰাজ্য
