শদিয়া,8ডিচেম্বৰ : শনিবাৰে অসম অৰুণাচল প্ৰদেশ সীমান্তবৰ্তী বৰডুমচা আৰক্ষী থানাত সংঘটিত হয় এক অমানৱীয় ঘটনা ৷ মাধৱপুৰৰ সুনীল মজুমদাৰ নামৰ লোক এজনক গুৰুলা-গুৰুলকৈ প্ৰহাৰ বৰডুমচা থানাৰ তিনি জনকৈ আৰক্ষী জোৱানৰ ৷ এটা পোহনীয়া কুকুৰ পোৱালি চাৰিচকীয়া বাহনৰ তলত সোমাই মৃত্যুমুখত পৰাৰ বাবেই এইদৰেই প্ৰহাৰ কৰে বুলি অভিযোগ উত্থাপন কৰে সুনীলে ৷ অভিযোগ মতে থানাখনৰ প্ৰভাৰী লাৰ্নীছ পেগুৰ সন্মুখতেই সংঘটিত হয় ঘটনাটো।
ঘটনা অনুসৰি,আজি পুৱাৰ ভাগত সুনীল মজুমদাৰে নিজ বাহনখনেৰে বৰডুমচা থানাৰ সন্মুখেৰে গৈ আছিল ৷ তেনে সময়তে থানাখনৰ আৰক্ষী অধিক্ষকৰ এটা পোহনীয়া কুকুৰ পোৱালি বাহনখনৰ তলত সোমাই মৃত্যু হয় ৷ ৰাজপথত গাড়ীৰ খুন্দাত কুকুৰ পোৱালিটো মৃত্যু হোৱাৰ পাছতেই বৰডুমছা আৰক্ষী থানাৰ তিনি কণিষ্টবলে সুনীলক থানালৈ চোঁচৰাই নি গুৰুলাগুৰুলকৈ প্ৰহাৰ কৰে ৷ আঘাতপ্ৰাপ্ত সুনীলে আৰক্ষীক প্ৰতিবাৰ ঘটনা সন্দৰ্ভত অৱগত কৰাৰ চেষ্টা কৰিছিল যদিও আৰক্ষীয়ে যুৱকজনৰ কোনো কথা নুশুনি কেৱল মাৰ-ধৰ কৰে বুলি আৰক্ষীৰ বিৰুদ্ধে অভিযোগ উত্থাপন কৰে যুৱকজনে ৷
অন্য এক খবৰৰ বাবে: দিল্লীৰ ৰাণী ঝান্সীত ভয়ংকৰ অগ্নিকাণ্ড, নিহত 43 জন
ইফালে, এই ঘটনাৰ পাছতেই অঞ্চলটোত সৃষ্টি হয় চাঞ্চল্যৰ ৷ যাৰ বাবে দেওবাৰে সন্ধিয়া স্থানীয় যুৱক-যুৱতিয়ে বৰডুমচা থানাত উপস্থিত হৈ ন্যায় বিচাৰৰ বাবে দাবী জনায় ৷
অন্য এক খবৰৰ বাবে : " শ্বহীদ দিৱস " এইবাৰ পালন নকৰে শ্বহীদ পৰিয়ালে
