ডুমডুমা, 7 নৱেম্বৰঃ শিলচৰ বিমান বন্দৰত শুকুৰবাৰে পাকিস্তান জিন্দাবাদ ধ্বনি দিয়াৰ দৰে সংঘটিত হোৱা ভয়ংকৰ ঘটনাৰ তিব্ৰ নিন্দা কৰিছে সদৌ অসম বাঙালী যুৱ-ছাত্ৰ ফেডাৰেচনৰ কেন্দ্ৰীয় সমিতিয়ে । শিলচৰ বিমান বন্দৰত বদৰুদ্দিন আজমলৰ একাংশ সমৰ্থকে পাকিস্তান জিন্দাবাদ ধ্বনি দিয়া ঘটনাক দুৰ্ভাগ্যজনক আখ্যা দি যিসকল ব্যক্তিয়ে ভাৰতত থাকি পাকিস্তান জিন্দাবাদ ধ্বনি দিছে সেইসকলক দেশদ্ৰোহী আখ্যা দিয়ে সংগঠনটোৱে । লগতে অসম চৰকাৰে সেইসকল ব্যক্তিক চিনাক্ত কৰি উচ্চিত শাস্তি বিহাৰ ব্যৱস্থা গ্ৰহণ কৰিবলৈ সদৌ অসম বাঙালী যুৱ-ছাত্ৰ ফেডাৰেচনৰ কেন্দ্ৰীয় সমিতিৰ সাধাৰণ সম্পাদক বিজয় চন্দই দাবী জনাই ।
আনহাতে,এই ঘটনাৰ লগত ৰাজনৈতিক ষড়যন্ত্ৰ জড়িত হৈ আছে নেকি ইয়াৰো এক উচিত তদন্তৰ দাবী জনাইছে সংগঠনটোৱে ।
উল্লেখ্য যে,সাংসদ বদৰুদ্দিন আজমলৰ উপস্থিতিতে পাকিস্তান জিন্দাবাদ ধ্বনি দিয়া হৈছিল ৷ নিৰ্বাচনৰ প্ৰতি লক্ষ্য ৰাখি বৃহস্পতিবাৰে বৰাক ভ্ৰমণলৈ গৈছিল বদৰুদ্দিন আজমল ৷ কাছাৰৰ কুম্ভীৰগ্ৰাম বিমান বন্দৰৰ পৰা আজমল ওলাই অহাৰ সময়তে সেই স্থানত গোট খায় বহুসমৰ্থক ৷ সমৰ্থক সকলে আজমল জিন্দাবাদ,এ আই ইউ ডি এফ জিন্দাবাদ ধ্বনি দিয়াৰ মাজতে শুনা পোৱা গৈছিল পাকিস্তান জিন্দাবাদ ধ্বনি ৷
লগতে চাওকঃ আজমলৰ সমৰ্থকে দিছিল নেকি পাকিস্তান জিন্দাবাদ ধ্বনি !