ডুমডুমাৰ ফিল'বাৰীত যুৱকৰ দলে নিৰ্মান কৰিলে পথ

দেওবাৰে ফিল'বাৰীৰ ৰবৰগুৰিত যুৱকৰ দলে নিৰ্মাণ কৰিলে পথ ৷ বিভাগীয় কৰ্তৃপক্ষৰ বিৰুদ্ধে ৰাইজৰ ক্ষোভ ৷

তিনিচুকীয়া,28এপ্ৰিল: তিনিচুকীয়াৰ ডুমডুমাৰ অন্তৰ্গত ফিল'বাৰী অঞ্চলৰ বাট-পথৰ জৰাজীৰ্ণ অৱস্থাই জীয়াতু ভুগাইছে গাঁওখনৰ ৰাইজক । বিভাগীয় কৰ্তৃপক্ষক জনোৱাৰ পাচতো গাঁওখনৰ পথটো নিৰ্মাণত নিৰ্বিকাৰ ভূমিকা পালনৰ অভিযোগ ।

যাৰবাবে দেওবাৰে পুৱাই অঞ্চলটোৰ নেহৰু যুৱক সংঘৰ কেইবাজনো যুৱকে পথটো মেৰামতি কৰিবলৈ ওলাই আহে ৷ বিভাগীয় কৰ্তৃপক্ষই ব্যৱস্থা গ্ৰহণ নকৰাৰ বাবে স্থানীয় যুৱকসকলে এই পদক্ষেপ হাতত লয় বুলি জনায় ৷