তেজপুৰ,১৪ জুন: শোণিতপুৰত শিক্ষা সচিব ভাৰত ভূষণ দেৱ চৌধুৰীৰ বিভিন্ন বিদ্যালয় পৰিদৰ্শন(Education Secretary visits various schools in Sonitpur) । তেজপুৰত আয়োজন হোৱা দুদিনীয়া উপায়ুক্তৰ অধিবেশনত ভাগ লোৱাৰ অন্তত ৰাজ্যৰ শিক্ষা সচিব ভাৰত ভূষণ দেৱ চৌধুৰীয়ে পৰিদৰ্শন কৰিলে বিদ্যালয়সমূহ ৷ ৰাজ্য চৰকাৰে কিছুদিন পূৰ্বে শুভাৰম্ভ কৰা চাহ বাগিছাৰ আদৰ্শ উচ্চ মাধ্যমিক বিদ্যালয় সমূহৰ কেইখনমান বিদ্যালয় পৰিদৰ্শন কৰাৰ লগতে ছাত্ৰ ছাত্ৰীসকলৰ লগতো কৰিলে বাৰ্তালাপ ।
ছাত্ৰ ছাত্ৰীসকলে বিষয়াগৰাকীৰ আগত মনৰ কথাবোৰ মুকলি ভাৱে ব্যক্ত কৰাৰ সুযোগ পাই হ’ল অনুপ্ৰাণিত । নিজৰ মবাইল নম্বৰটো ছাত্ৰ ছাত্ৰীসকলক বিলাই দিয়াৰ লগতে যি কোনো সমস্যাৰ বাবে তেওঁৰ লগত যোগাযোগ কৰিবলৈ জনালে আহ্বান । উল্লেখ্য যে তেজপুৰৰ উপায়ুক্তৰ সন্মিলনত সকলো উপায়ুক্তকে সঘনাই বিদ্যালয়সমূহ পৰিদৰ্শন কৰাৰ নিৰ্দেশ দিছিল ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাই ।
পৰিদৰ্শনৰ সময়ত শিক্ষা সচিব গৰাকীয়ে সকলো শিক্ষক-শিক্ষয়িত্ৰীকে আন্তৰিকতাৰে ছাত্ৰ-ছাত্ৰীক শিক্ষা প্ৰদান কৰিবলৈ আহ্বান জনায় । লগতে শিক্ষাৰ গুণগত মানদণ্ড উন্নত কৰাৰ বাবে চেষ্টা অব্যাহত ৰাখিবৰ বাবে আহ্বান জনাই সচিবগৰাকীয়ে ।
লগতে পঢ়ক: ভাইৰেল ভিডিঅ’: মুষলধাৰ বৰষুণৰ পিছত ৰাজপথত মাছৰ উজান
