তেজপুৰ, ২৪ জুন: তেজপুৰ কেন্দ্ৰীয় কাৰাগাৰৰ ভিতৰত অঘটন । শুক্ৰবাৰে তেজপুৰ কেন্দ্ৰীয় কাৰাগাৰৰ ভিতৰত দুই কয়দীৰ মাজত লাগিল মাৰপিটৰ ঘটনা (Two prisoners fight in Tezpur Central Jail)। পিছত এই মাৰপিটৰ ঘটনাই ল'লে ভয়াৱহ ৰূপ । ঘটনাৰ বিৱৰণি মতে, কেন্দ্ৰীয় কাৰাগৰাৰ ভিতৰত ভাস্কৰ নাথ নামৰ আন এজন কয়দীক ড্ৰাগছ সেৱন কৰি থকা প্ৰত্যক্ষ কৰি মহীদুল ইছলাম নামৰ আন এজন কয়দীয়ে বাধা প্ৰদান কৰে ( Drugs supply in Tezpur Central Jail) ।
ইয়াকে লৈ দুয়োজন কয়দীৰ মাজত আৰম্ভ হয় মাৰপিট । উক্ত ঘটনাত ভাস্কৰ নাথ নামৰ কয়দীজন গুৰুতৰ ভাৱে আহত হোৱাত কাৰাগাৰ কৰ্তৃপক্ষই তেওঁক তেজপুৰ কনকলতা অসামৰিক চিকিৎসালয়ত ভৰ্তি কৰায় ।
অৱশ্য়ে কাৰাগাৰৰ জেইলাৰ ৰাজু চৌধুৰীয়ে এনে কোনো ঘটনা সংঘটিত হোৱাৰ কথা অস্বীকাৰ কৰিছে । তেজপুৰ কেন্দ্ৰীয় কাৰাগাৰত এনে কোনো ধৰণৰ ঘটনা সংঘটিত হোৱা নাই বুলি জানিব দিয়ে বিষয়াগৰাকীয়ে ।
ইপিনে, জেইলাৰ ৰাজু চৌধুৰীয়ে এই ঘটনাটো অস্বীকাৰ কৰিলেওে ভাস্কৰ নাথ নামৰ কয়দীজনে কাৰগাৰৰ ভিতৰত হোৱা ঘটনাটোক সঁচা বুলি উল্লেখ কৰে ৷ এনে পৰিপেক্ষিতত সমগ্ৰ বিষয়টোৱে ৰহস্য়ৰ সৃষ্টি কৰিছে । কাৰাগাৰৰ ভিতৰলে কেনেকৈ ড্ৰাগছৰ যোগান অথবা কয়দীয়ে ড্ৰাগছ সেৱন কৰিবলৈ সুযোগ পালে, তাক লৈ ৰাইজৰ মাজত ব্য়াপক চৰ্চা হোৱা পৰিলক্ষিত হৈছে ।
লগতে পঢ়ক:শিৱসাগৰত অঘটন: দিখৌত জাপ মহিলাৰ
