তেজপুৰ,২৮ নৱেম্বৰ: তেজপুৰত উপস্থিত অসমৰ ৰাজ্যপাল প্ৰফেছৰ জগদীশ মূখী ৷ বৃহস্পতিবাৰে তেজপুৰত উপস্থিত হৈ তেজপুৰৰ তিনিখন চিকিৎসালয়, তেজপুৰ মেডিকেল কলেজ, কনকলতা অসামৰিক চিকিৎসালয় আৰু লোকপ্রিয় গোপীনাথ বৰদলৈ আঞ্চলিক মানসিক স্বাস্থ্য প্ৰতিষ্ঠান পৰিদৰ্শন কৰে ৰাজ্যপাল গৰাকীয়ে ৷ পৰিদৰ্শনৰ অন্তত চিকিৎসালয় আৰু মানসিক স্বাস্থ্য প্ৰতিষ্ঠান খনত থকা আসোঁৱাহ সমূহ দূৰ কৰিবৰ কাৰণে সময় নিৰ্ধাৰিত পদক্ষেপ লবলৈ বিভাগীয় কৰ্তৃপক্ষক নিৰ্দেশ দিয়ে প্ৰফেছৰ জগদীশ মূখীয়ে ।
আনহাতে উপৰিও ISIS ৰ সন্দৰ্ভত সাংবাদিকে সোধা এক প্ৰশ্নৰ উত্তৰত জগদীশ মুখীয়ে কয় যে কেন্দ্ৰীয় চৰকাৰৰ সন্ত্ৰাসবাদ বিৰোধী সবল নীতি আৰু কঠোৰ স্থিতিৰ বাবেই আজি ISIS ৰ দৰে কূটাঘাটকাৰী সংগঠনৰ নেতৃত্বক কাৰায়ত কৰিবলৈ সক্ষম হৈছে আৰক্ষী ৷ লগতে ISIS ৰ দৰে সন্ত্ৰাসবাদী সংগঠনে বিশেষ সুযোগৰ সন্ধানত অসমৰ কিছুমান ঠাইত এইদৰে আশ্ৰয় লয় বুলি মন্তব্য কৰে ৰাজ্যপাল গৰাকীয়ে ৷
লগতে পঢ়ক : ডিটেনশ্যন কেম্পৰ পৰা মুছলমান লোকে উলিয়ালে হিন্দু ব্যক্তিক
