বানৰ কবলত শোণিতপুৰৰ গুদামঘাট: জলমগ্ন কৃষিভূমি-আৱাসগৃহ

শোণিতপুৰৰ ৰঙাপাৰাত মানশিৰি নদীৰ বাঢ়নি পানীয়ে চলাইছে তাণ্ডৱ ৷ প্লাৱিত তিনিখনকৈ গাঁঁও

ৰঙাপাৰা, 28 জুলাইঃ শোণিতপুৰ জিলাৰ মাজেৰে বৈ যোৱা মানশিৰি নৈৰ বাঢ়নি পানীয়ে ভয়াবহ ৰূপ ধাৰণ কৰিছে ৷ বাৰিষাৰ মুষলধাৰ বৰষুণৰ বাবে নৈখনৰ জলপৃষ্ঠই ইতিমধ্যেই বিপদসীমা অতিক্ৰম কৰাত পাৰ্শ্বৱৰ্তী বিভিন্ন অঞ্চল প্লাৱিত হোৱাৰ লগতে এইবাৰ বানৰ কবলত পৰিছে ৰঙাপৰা সমষ্টিৰ অন্তৰ্গত তিনিখন গাঁও ৷ নদীখনৰ বানে বুৰাই পেলাইছে গুদামঘাট কছাৰী, অকাবস্তি মিৰিগাঁও আৰু অকাবস্তি বঙালী গাঁৱৰ বাসগৃহ তথা বিস্তীৰ্ণ কৃষিভূমি ৷