আমগুৰি,8 আগষ্ট: শুকুৰবাৰে শিৱসাগৰ জিলাৰ আমগুৰিৰ ঐতিহাসিক চিন্তামণি গড়ত মানৱ শৃংখলেৰে প্ৰতিবাদী কাৰ্যসূচী ৰূপায়ণ কৰা হয় ৷ উজনি অসম মুছলিম কল্যাণ পৰিষদে 'কা' বাতিল আৰু অখিল গগৈৰ মুক্তি আৰু খিলঞ্জীয়া মুছলমানসকলৰ আৰ্থ সামাজিক উন্নয়নৰ দাবী জনাই সাব্যস্ত কৰে এই প্ৰতিবাদ ৷
অন্য এক খবৰৰ বাবে:কেৰালাত বিমান দুৰ্ঘটনাত 18 জন নিহত
শিৱসাগৰৰ বিশিষ্ট চিন্তাবিদ তথা লেখক ছামচুল বাৰিকে উদ্বোধন কৰা এই কাৰ্যসূচীৰ নেতৃত্ব বহন কৰে উজনি অসম মুছলিম কল্যাণ পৰিষদৰ মনিৰুল ইছলাম বৰাই । প্ৰতিবাদকাৰীসকলে সংগ্ৰামী নেতা অখিল গগৈক শীঘ্ৰে মুক্তিৰ দাবী জনোৱাৰ লগতে বহু বিতৰ্কিত নাগৰিকত্ব সংশোধনী আইন প্ৰত্যাহাৰ আৰু অসমৰ খিলঞ্জীয়া গৰীয়া-মৰীয়া, দেশী, চৈয়দ, জালাহা সকলৰ অৰ্থ -সামাজিক জৰীপ ব্যৱস্থা কৰাৰ দাবী জনাই ৷ ইয়াৰ লগতে,খিলঞ্জীয়া মুছলমানৰ আৰ্থ সামাজিক উন্নয়নৰ বাবে ৫০০ কোটি টকাৰ বিশেষ পেকেজৰ ব্যৱস্থাৰো দাবী জনাই প্ৰতিবাদকাৰীসকলে উত্তাল কৰি পৰিৱেশ ৷
