শিৱসাগৰ,২৬ মাৰ্চঃমধ্যাহ্ন ভোজন আঁচনি বেচৰকাৰীকৰণ কৰাৰ প্ৰতিবাদত মঙলবাৰে শিৱসাগৰ জিলা মধ্যাহ্ন ভোজন কৰ্মচাৰী ইউনিয়নে শিৱসাগৰ জিলা উপায়ুক্ত কাৰ্যালয়ৰ সন্মুখত ৰূপায়ণ কৰে এক প্ৰতিবাদী কাৰ্যসূচী । মধ্যাহ্ন ভোজন কৰ্মচাৰীসকলৰ প্ৰাপ্য অধিকাৰৰ দাবীত এই প্ৰতিবাদৰ সহযোগ কৰে কৃষক মুক্তি সংগ্ৰাম সমিতিয়ে ।
শিৱসাগৰত মধ্যাহ্ন ভোজন কৰ্মচাৰী ইউনিয়ন সন্থাৰ প্ৰতিবাদ ২০০৫ চনৰ পৰা বিনা বেতনে ভোজন কৰ্মচাৰী ৰূপে কৰ্মৰত এই সকলক ২০০৯ চনৰ পৰা মাহে ১০০০ টকা দিয়াৰ ব্যৱস্থা কৰা হৈছিল । তেতিয়াৰ পৰা এইসকল ভোজন কৰ্মচাৰীয়ে তেওঁলোকক চতূৰ্থ শ্ৰেণীৰ কৰ্মচাৰী মৰ্যদা প্ৰদান কৰা,৫০০০ টকা মাননি বাৰ মাহে প্ৰদান কৰা,পেঞ্চন, চিকিৎসা আদি সুবিধা সমূহ প্ৰদান কৰা আদি দাবী উত্থাপন কৰি আহিছিল যদিও চৰকাৰে এই দাবী সমূহ আওকাণ কৰি সমগ্ৰ মধ্যাহ্ন ভোজন আঁচনিখন বেচৰকাৰী সংস্থালৈ হস্তান্তৰ কৰাৰ সিদ্ধান্ত গ্ৰহণ কৰিছে । ফলত নিবনুৱা হৈ পৰিব অসমৰ ১ লাখ ১৪ হাজাৰ ভোজন কৰ্মচাৰী ।
