শিৱসাগৰ, 12 আগষ্ট : ৰাজ্যত ক'ভিড-19 ৰ সংহাৰ অব্য়াহত থকাৰ মাজতে বুধবাৰে জনসংখ্য়া সমাধান ফাউণ্ডেছনে জনসংখ্যা নিয়ন্ত্ৰণৰ দাবীত শিৱসাগৰ জিলা উপায়ুক্তক এখন স্মাৰক পত্ৰ প্ৰদান কৰে ৷ সংস্থাটোৰ দাবী অনুসৰি, ভাৰতবৰ্ষত বৰ্ধিত জনসংখ্যা নিয়ন্ত্ৰণৰ বাবে অতিশীঘ্ৰে এখন জনসংখ্যা নিয়ন্ত্ৰণ আইন প্ৰণয়ন কৰাৰ পোষকতা কৰিছে ৷
2017 বৰ্ষৰ পৰাই সংস্থাটোৱে জনসংখ্য়া নিয়ন্ত্ৰণৰ বাবে কাম কৰি আহিছে ৷ তেওঁলোকে এখন কঠোৰ জনসংখ্যা আইন প্ৰণয়ন কৰি জনসংখ্যা নিয়ন্ত্ৰণ কৰাৰ পোষকতা কৰিছে ৷ যাৰবাবে শিৱসাগৰৰ ৰংঘৰৰ সন্মুখৰ পৰাই এক অভিযান আৰম্ভ কৰি শিৱসাগৰ জিলা উপায়ুক্তক সংস্থাটোৱে এখন স্মাৰক পত্ৰ প্ৰদান কৰে । আনহাতে, সংস্থাটোৱে স্মাৰক পত্ৰ প্ৰধানমন্ত্ৰী লৈ প্ৰেৰণ কৰিছে বুলি জানিব দিয়ে ৷ ইফালে, ফাউণ্ডেছনটোৱে উক্ত বিষয় সন্দৰ্ভত এক গণ স্বাক্ষৰ অভিযান আৰম্ভ কৰা হ'ব বুলিও সংবাদ মাধ্যমৰ আগত জানিবলৈ দিয়ে ৷
উল্লেখ্য যে, প্ৰায় 1.38 বিলনয়ন জনসংখ্যাৰে চীনৰ পাছতে বিশ্বৰ দ্বিতীয় জনবহুল ৰাষ্ট্ৰ হৈছে ভাৰত ৷ বৰ্তমান যি হাৰত জনসংখ্যা বৃদ্ধি পাই আছে হয়তো অনাগত 10 বছৰ মানৰ ভিতৰত ভাৰত জনসংখ্যা বৃদ্ধিৰে বিশ্বৰ প্ৰথমখন ৰাষ্ট্ৰ হ'ব পাৰে ৷ গতিকে, ভাৰতৰ দৰে এখন উন্নয়নশীল ৰাষ্ট্ৰত জনসংখ্যা নিয়ন্ত্ৰণ কৰাটো অতি প্ৰয়োজন হৈ পৰিছে ৷
লগতে পঢ়ক : নগাঁৱত চৰকাৰী দোকান গৃহ নিৰ্মাণক লৈ দুৰ্নীতিৰ অভিযোগ
