আমগুৰি, 9 ফেব্ৰুৱাৰী: আমগুৰি সমষ্টিৰ বিধায়ক প্ৰদীপ হাজৰিকাই সোমবাৰে 'অসম দৰ্শন' আঁচনিৰ অধীনত নিৰ্মাণ হ'বলগীয়া সমষ্টিটোৰ অন্তৰ্গত 61 টা নামঘৰৰ আধাৰশিলা স্থাপন কৰে । অসম দৰ্শন আঁচনিৰ অধীনত 2.50 লাখ টকাৰ অনুদানেৰে সমষ্টিটোৰ 90 টা নামঘৰলৈ আগবঢ়োৱা হৈছে এই বিশেষ পুঁজিৰ ধন ৷
উল্লেখ্য যে, আধাৰশিলা স্থাপন কৰি বিধায়ক গৰাকীয়ে কয় যে, অসমৰ সমাজ জীৱনৰ এক গুৰুত্বপূৰ্ণ অংগ নামঘৰৰ উন্নয়নে সমাজৰ সামাজিক, সাংস্কৃতিক আৰু বৌদ্ধিক বিকাশত বহুখিনি সহায়ক হ'ব ৷ এই আধাৰশিলা স্থাপন অনুষ্ঠানত আমগুৰি আঞ্চলিক পঞ্চায়তৰ সভানেত্ৰী ধৰ্মলতা গোঁহাই, অসম গণ পৰিষদৰ শিৱসাগৰ জিলা সমিতিৰ সম্পাদক নিত্যা কলিতাকে আদি কৰি বহু কেইগৰাকী বিশিষ্ট ব্যক্তি উপস্থিত থাকে ।
