আমগুৰি, 8 এপ্ৰিলঃ আমগুৰিত চাৰিদিনে লঘোণে ভোকে থকা এজন নিঃসহায় বৃদ্ধলোকৰ কাষত ঠিয় দিলে আমগুৰি প্ৰসাশন । বুধবাৰে ইটিভি ভাৰতত এই সন্দৰ্ভত এক বাতৰি সম্প্ৰচাৰ হোৱাৰ পিচতে আমগুৰিৰ ৰাজহ চক্ৰ বিষয়া ঋতুৰাজ বৰদলৈয়ে, শিৱসাগৰৰ অস্থায়ী শিবিৰলৈ প্ৰেৰণ কৰে অসহায় লোকজনক । দেশত হোৱা লক ডাউনৰ ফলত দিন হাজিৰা কৰা লোকগৰাকী অনাহাৰে থাকিবলগীয়া হৈছিল চাৰিটা দিন ।
উল্লেখ্য যে, পিন্ধি থকা কাপোৰযোৰৰ বাহিৰে একোৱেই নাছিল লোকজনৰ । আনকি থাকিবলৈ এটা ঘৰ, শুবলৈ বিচনা এখন আৰু শীত নিবাৰণৰ বাবে কাপোৰ এখনো নাছিল তেওঁৰ । এটা শ্মশান ঘৰৰ মজিয়াত খেৰ পাৰি তাৰ ওপৰতে শুই দিন ৰাতি অতিবাহিত কৰিছিল বৃদ্ধ লোকগৰাকীয়ে ।
লগতে পঢ়কঃ লক ডাউনঃ চাৰিদিন অনাহাৰে পাৰ কৰিলে এগৰাকী বৃৃদ্ধই