শিৱসাগৰত কিয় এজন যুৱকৰ ওপৰত জঁপিয়াই পৰিল এজাক মানুহ?

ৰাজ্যজুৰি অব্যাহত আছে মৰেল পুলিচিঙৰ ঘটনা ৷ এইবাৰ শিৱসাগৰৰ অসম-নগালেণ্ড সীমান্তৰ হালোৱাটিঙত স্থানীয় ৰাইজে এজন নিচাসক্ত যুৱকক কৰায়ত্ত কৰি উত্তম মধ্যম সোধাই গতাই দিয়ে হালোৱাটিং আৰক্ষীক ৷

শিৱসাগৰ,22 মাৰ্চ :ৰাজ্যজুৰি অব্যাহত আছে মৰেল পুলিচিঙৰ ঘটনা ৷ এইবাৰ শিৱসাগৰৰ অসম-নাগালেণ্ড সীমান্তৰ হালোৱাটিঙত স্থানীয় ৰাইজে এজন নিচাসক্ত যুৱকক কৰায়ত্ত কৰি উত্তম-মধ্যম সোধাই গতাই দিয়ে হালোৱাটিং আৰক্ষীক ৷

কেৱল এয়াই নহয়, মাৰধৰ কৰাৰ উপৰিও নিজেই বিচাৰকৰ ভাৱত যুৱকজনক বিভিন্ন অপৰাধৰ লগত জড়িত কৰাৰো চেষ্টা কৰে স্থানীয় ৰাইজে ৷ পাচত ঘটনাস্থলীত হালোৱাটিং আৰক্ষী উপস্থিত হৈ যুৱকজনক উদ্ধাৰ কৰিবলৈ সক্ষম হয় ।

হালোৱাটিং হনুমান মন্দিৰৰ সমীপত উদ্ধাৰ হোৱা যুৱকজন চেলেংহাটৰ পদুমণি ৰহঢলাৰ বুলি জানিব পৰা গৈছে ৷ 6/7 বছৰ ধৰি ড্ৰাগছ সেৱন কৰি অহা বুলি প্ৰকাশ কৰাৰ লগতে হালোৱাটিঙৰ অম্বেশ্বৰ নামৰ ড্ৰাগছ বেপাৰীৰ পৰা ক্ৰয় কৰা বুলি প্ৰকাশ কৰিছে যুৱকজনে ৷ যুৱকজনৰ জেপৰপৰা স্থানীয় লোকে আঠটাকৈ নিচাযুক্ত টেবলেট উদ্ধাৰ কৰে ।