দিখৌৰ পানীত বিৰিঙিছে খাৰুৱা তেলঃ শংকিত নৈ পৰীয়া ৰাইজ

দিখৌ নৈত শুকুৰবাৰে পুৱা বৈ অহা খাৰুৱা তেলক লৈ চিন্তিত হৈ পৰিছে স্থানীয় লোক ৷ বাঘজান কাণ্ডৰ পুনৰাবৃত্তিৰ আশংকা প্ৰকাশ কৰিছে ৰাইজে ৷

আমগুৰি, 8 আগষ্ট: দিখৌ নৈৰ পানীত বিৰিঙি উঠিছে খাৰুৱা তেল ৷ বিপদৰ সন্মুখীন জলজ প্ৰাণীৰ লগতে নৈ খনৰ নিকটৱৰ্তী লোকসকল ৷ কিয়নো নৈৰ পাৰৰ লোকসকলে এতিয়াও দিখৌৰ পানী সেৱন কৰাৰ লগতে, কাপোৰ, গা আদিও ধোৱে নৈ খনত ৷ অ এন জি চিয়ে নদীৰ ওপৰেৰে নিয়া পাইপৰ পৰা তেল দিখৌ নৈৰ পানীত মিহলি হোৱাৰ সন্দেহ প্ৰকাশ কৰিছে স্থানীয় ৰাইজে ৷ শুকুৰবাৰে পুৱাৰে পৰাই নদীৰ বুকুৱেদি খাৰুৱা তেল বৈ অহাত শংকিত হৈ পৰিছে স্থানীয় লোক ৷

বাঘজানত সংঘটিত অগ্নিকাণ্ডৰ আতংক মাৰ নৌযাওতেই শিৱসাগৰৰ দিখৌ নৈত তেল বৈ অহা বিষয়ক লৈ এক ভয়ংকৰ ঘটনা সংঘটিত হোৱাৰ আশংকা প্ৰকাশ কৰিছে স্থানীয় ৰাইজে ৷ অইল কৰ্তৃপক্ষক অতি শীঘ্ৰেই এই ঘটনাৰ বিহিত ব্যৱস্থা কৰিবলৈ আহ্বান শংকিত ৰাইজৰ ৷ অ এন জি চিয়ে সংস্থাপন কৰা তেলৰ পাইপলাইন ফুটাৰ বাবেই এনে হোৱাৰ সন্দেহ প্ৰকাশ কৰিছে একাংশ স্থানীয় লোকে ৷

লগতে পঢ়ক: গেলেকীত পুনৰ ONGC পাইপ লাইনৰ পৰা নিৰ্গত খাৰুৱা তেল