দিখৌমুখত উপস্থিত ব্ৰহ্মপুত্ৰ আমন্ত্ৰণ অভিযানৰ দল

দিখৌমুখৰ সৰাগুৰিত আহি উপস্থিত ব্ৰহ্মপুত্ৰ আমন্ত্ৰণ অভিযানৰ দল ৷ 2020 বৰ্ষৰ 23 ডিচেম্বৰত অৰুণাচল প্ৰদেশৰ গেলিঙৰ পৰা যাত্ৰা আৰম্ভ কৰা দলটো দেওবাৰে বিয়লি শিৱসাগৰৰ দিখৌমুখৰ স'ৰাগুৰি চাপৰিত উপস্থিত হয় ৷ সোমবাৰে পুনৰ যাত্ৰা আৰম্ভ কৰি ভাৰত-বাংলাদেশ সীমান্তৰ ধুবুৰীত দলটোৱে যাত্ৰা শেষ কৰিব ৷

শিৱসাগৰ,4 জানুৱাৰী: ব্ৰহ্মপুত্ৰৰ উপৰত বিজ্ঞানভিত্তিক অধ্যয়নৰ লগতে নদী কাষৰীয়া মানুহৰ মাজত সজাগতা সৃষ্টি কৰাৰ উদ্দেশ্যে ভাৰত চৰকাৰ আৰু জল শক্তি মন্ত্ৰালয়ৰ অধীনত 2020 বৰ্ষৰ 23 ডিচেম্বৰত আৰম্ভ হোৱা ব্ৰহ্মপুত্ৰ আমন্ত্ৰণ অভিযানৰ দল দেওবাৰে আহি শিৱসাগৰত উপস্থিত হয় ৷ দেওবাৰে বিয়লি শিৱসাগৰৰ দিখৌমুখৰ স'ৰাগুৰি চাপৰিত দলটো আহি উপস্থিত হয় ৷

দলটোক নেতৃত্ব প্ৰদান কৰি অনা সুহাসিনী শ্বেখাৱটে কয় যে 23 ডিচেম্বৰত অৰুণাচল প্ৰদেশৰ গেলিঙৰ পৰা আৰম্ভ কৰা তেওঁলোকৰ এই যাত্ৰা বাংলাদেশ সীমান্তৰ ধুবুৰীত শেষ হ'ব ৷ শ্বেখাৱটে জানিবলৈ দিয়ে যে যাত্ৰা আৰম্ভ কৰাৰ পাছতে তেওঁলোকে নৈপৰীয়া জীৱনশৈলী, সংস্কৃতি আদিৰ বিষয়ে অধ্যয়ন কৰা উপৰিও নৈ পৰীয়া লোক সকলৰ সৈতে মত বিনিময়তো অংশ লৈছে ৷

সুহাসিনী শ্বেখাৱটৰ নেতৃত্বত অহা NDRF ৰ দলটোক সৰাগুৰি বাসীয়ে গায়ন বায়নেৰে আদৰি অনা পৰিলক্ষিত হয় ৷ দেওবাৰে ঐতিহাসিক আজানপীৰৰ দৰগাহ পৰিদৰ্শন কৰাৰ পাছতে দলটোৱে দিনটোৰ কাৰ্যসূচীৰ সামৰণি পেলাই ৷

লগতে পঢ়ক: জুক' ভেলীৰ জুই নিৰ্বাপনৰ বাবে ভাৰতীয় সেনা-নাগালেণ্ড চৰকাৰৰ গুৰুত্বপূৰ্ণ বৈঠক