আমগুৰি, ৫ ফেব্ৰুৱাৰী : দেশৰ 73 তম গণৰাজ্য দিৱসত অসমৰ যুৱতীয়ে কঢ়িয়ালে গৌৰৱ(Assam girl takes part in 73rd Republic Day parade) । গণৰাজ্য দিৱসত প্ৰধানমন্ত্ৰী মোদীক ৰাষ্ট্ৰীয় পতাকাৰ কাষলৈ লৈ গ'ল শিৱসাগৰ জিলাৰ আমগুৰিৰ অশ্বিনী হীৰা বৰুৱাই । উল্লেখ্য যে, শিৱসাগৰ জিলাৰ আমগুৰি নগৰৰ বাসিন্দা চন্দ্ৰ কান্ত হীৰা আৰু টুটু মণি বৰুৱাৰ কন্যা অশ্বিনী হীৰা বৰুৱা এগৰাকী NCC ৰ Cadet ( Assam girl at India's Republic Day Parade) ।
বিগত 26 জানুৱাৰী তাৰিখে দেশে উদযাপন কৰা গণৰাজ্য দিৱসত দিল্লীৰ পেৰেডৰ বাবে সমগ্ৰ উত্তৰ পূৱৰ 57 জন অসমৰ 30 জন যুৱক যুৱতীৰ লগতে সুযোগ পাইছিল আমগুৰিৰ যুৱতী অশ্বিনী হীৰা বৰুৱাই । প্ৰতি বছৰে দিল্লীত অনুষ্ঠিত গণৰাজ্য দিৱসৰ পেৰেডৰ বাবে এক কঠিন প্ৰক্ৰিয়াৰ মাজেৰে NCC ৰ cadet সকলক দেশৰ বিভিন্ন ৰাজ্যৰ পৰা নিৰ্বাচন কৰা হয় । কিন্তু অতিকৈ গৌৰৱৰ বিষয় যে অশ্বিনী হীৰা বৰুৱাই কেৱল পেৰেডত অংশগ্ৰহণ কৰাই নহয় দেশৰ প্ৰধানমন্ত্ৰী গৰাকীয়ে ৰাষ্ট্ৰীয় পতাকা উত্তোলন কৰাৰ প্ৰাকমুহূৰ্তত আগবঢ়াই নিয়াৰ সুযোগ লাভ কৰিবলৈ সক্ষম হৈছে ।
গণৰাজ্য দিৱস নাইবা স্বাধীনতা দিৱসত ৰাষ্ট্ৰীয় পতাকা উত্তোলনৰ পূৰ্বে দেশৰ ৰাষ্ট্ৰপতি নাইবা প্ৰধানমন্ত্ৰী গৰাকীক পতাকা উত্তোলন স্থলীলৈ আগবঢ়াই নিবৰ বাবে NCC ৰ দুগৰাকী Cadet ক দেশৰ ভিতৰতে নিৰ্বাচন কৰা হয় । বিগত গণৰাজ্য দিৱস উদযাপনত জম্মু আৰু কাশ্মীৰৰ এগৰাকী যুৱতীৰ লগতে এই সুযোগ লাভ কৰিছিল অসমৰ অশ্বিনী হীৰা বৰুৱাই । বহু বছৰৰ পাছত অসমে অশ্বিনীৰ জৰিয়তে এনে এক সুযোগ লাভ কৰিবলৈ সক্ষম হ'ল । যুৱতীগৰাকীয়ে লগতে সুন্দৰ পেৰেডৰ বাবে প্ৰমাণ পত্ৰ লাভ কৰিবলৈও সক্ষম হয় । জানিব পৰা মতে অশ্বিনীয়ে বৰ্তমান যোৰহাটস্থিত দেৱীচৰণ বৰুৱা মহাবিদ্যালয়ত ইংৰাজী বিষয়ক সন্মান হিচাপে লৈ পঞ্চম ষান্মাসিকত অধ্যয়ন কৰি আছে ।
লগতে পঢ়ক : মাকক বিচাৰি হাহাকাৰ এটি 11 বছৰীয়া কিশোৰ
