আমগুৰি, ৯ অক্টোবৰঃ শিৱসাগৰৰ ঐতিহাসিক আজানপীৰ দৰগাহত চুৰিকাণ্ড ৷ চোৰে ভাঙিলে দানপাত্ৰ । চোৰে এৰি থৈ গ'ল এখন চাইকেল । ইপিনে দৰগাহস্থলীৰ পৰা উদ্ধাৰ হয় এখন ৰেচিং চাইকেল ।
আজানপীৰ দৰগাহত চুৰিকাণ্ড
উল্লেখ্য যে যোৱা বহু দিন ধৰি বন্ধ হৈ আছিল দৰগাহ । লগতে দৰগাহৰ পৰিচালনা সমিতিৰ একাংশ সদস্যৰ মাজত মতানৈক্য চলি থকাৰ মাজতে চোৰৰ লক্ষ্য হৈ পৰে দৰগাহৰ দানপাত্ৰ ৷ যোৱা ১৮ মাহ ধৰি দানপাত্ৰ খোলা নাছিল পৰিচালনা সমিতিয়ে । ইতিমধ্যে দৰগাহস্থলীত গৌৰীসাগৰ আৰক্ষী উপস্থিত হৈ তদন্ত আৰম্ভ কৰিছে । আৰক্ষীয়ে দৰগাহৰ ভঙা দানপাত্ৰস্থলীৰ পৰা ২ লক্ষাধিক টকা উদ্ধাৰ কৰিছে । এই ঘটনাই সৃষ্টি কৰিছে ব্যাপক চাঞ্চল্যৰ ৷
