নলবাৰী,১৫ অক্টোবৰ: ৰাজ্যৰ শিক্ষাখণ্ডৰ গুণগত মানদণ্ড উন্নত কৰিবলৈ ৰাজ্যজুৰি অনুষ্ঠিত কৰা হয় গুণোৎসৱ । কিন্তু এই গুণোৎসৱৰ পাছতেই পোহৰলৈ আহিছে ৰাজ্যৰ শিক্ষাখণ্ডৰ অনগ্ৰসৰতাৰ বহু ছবি ৷ বহু বিদ্যালয়ত এতিয়াও উন্নত আন্তঃগাঁথগাঁনি আৰু উপযুক্ত সা-সুবিধাৰ অভাৱ ৷ এতিয়াও পৰ্যাপ্ত সা-সুবিধা লাভ নকৰা এখন বিদ্যালয় এতিয়া চৰ্চিত (Nalbari school deprive of good facilities)।
নলবাৰী জিলাৰ মুকালমুৱাৰ এখন চৰকাৰী বিদ্যালয়ৰ দুৰাৱস্থাৰ ছবিয়ে উদঙাইছে শিক্ষা বিভাগৰ উন্নয়ণৰ ফোঁপোলা স্বৰূপ । বিদ্যালয়খনত শ্ৰেণী কোঠাৰ অভাৱত ৰাজহুৱা মঞ্চ এখনত চলিছে পাঠদান(Nalbari school lacks classrooms) । বৰক্ষেত্ৰী শিক্ষা খণ্ডৰ অধীনস্থ পুৰান আখিয়া প্ৰাথমিক বিদ্যালয়ত নাই পৰ্যাপ্ত শ্ৰেণীকোঠা । যাৰফলত ৰাজহুৱা মঞ্চ এখনতে প্ৰাথমিক শিক্ষা গ্ৰহণ কৰিছে শিক্ষাৰ্থী সকলে । বিদ্যালয়খনৰ জৰাজীৰ্ণ পুৰণি গৃহটোত আছে মাত্ৰ দুটা শ্ৰেণীকোঠা । ইফালে বিদ্যালয়খনত ২৭৯ গৰাকী ছাত্ৰ-ছাত্ৰীক পাঠদান দি আহিছে মাত্ৰ ৫ গৰাকী শিক্ষকে ।
আনহাতে বিদ্যালয়খনৰ প্ৰস্ৰাৱগাৰ আৰু শৌচালয়ৰ অৱস্থাও পঁয়ালগা । বিভিন্ন সমস্যাৰ মাজতে শিক্ষকসকলে বিদ্যালয়খনৰ ছাত্র-ছাত্ৰী সকলক কষ্টৰে দি আহিছে নিয়মিত শিক্ষাদান । বিদ্যালয়খনৰ শিক্ষকসকলৰ শিক্ষা ব্যৱস্থা ভাল হোৱা বাবে অন্য বিদ্যালয়তকৈ এইখন বিদ্যালয়ত ছাত্ৰ-ছাত্ৰীৰ সংখ্যা যথেষ্ট বেছি বুলি জানিব দিয়ে স্থানীয়লোকসকলে । কিন্তু ইমানৰ পাছতো বিদ্যালয়খন বঞ্চিত হৈ আহিছে বিভিন্ন চৰকাৰী সা-সুবিধাৰ পৰা(No development in Nalbari school) ।
উল্লেখ্য যে যিটো সময়ত ৰাজ্য চৰকাৰে চৰকাৰী শিক্ষাৰ মানদণ্ড উন্নত কৰিবলৈ বিভিন্ন ব্যৱস্থা হাতত লৈ উন্নয়নৰ ঢাক-ঢোল বজাই আহিছে ঠিক তেনে সময়তে মুকালমুৱাৰ পুৰান আখিয়াৰ এইখন প্ৰাথমিক বিদ্যালয়ৰ আন্তঃগাঠনিৰ ছবিয়ে উদঙাইছে চৰকাৰী বিদ্যালয়ৰ প্ৰকৃত ৰূপ । বিদ্যালয়খনৰ আন্তঃগাঠনি উন্নত কৰাৰ লগতে ছাত্ৰ-ছাত্ৰী অনুপাতে পৰ্যাপ্ত শিক্ষক নিযুক্তি দিবলৈ চৰকাৰ তথা শিক্ষা বিভাগক অনুৰোধ জনাইছে বিদ্যালয়খনৰ প্ৰধান শিক্ষকৰ লগতে স্থানীয়লোক সকলে ।
উল্লেখ্য যে নলবাৰীৰ বিভিন্ন প্ৰান্তত বিদ্যালয়সমূহৰ শোচনীয় ছবি সময়ে সময়ে পোহৰলৈ আহিছে । নলবাৰীৰে অন্য এক শিক্ষানুষ্ঠান মাকালডোৱা প্ৰাথমিক বিদ্যালয় কথাও কিছু দিন পূৰ্বে পোহৰলৈ আহিছিল । এটা সৰু জুপুৰী সদৃশ গৃহতে শিক্ষাগ্ৰহণ কৰে ছাত্ৰ ছাত্ৰীসকলে । দুগৰাকী শিক্ষকে প্ৰদান কৰে ছাত্ৰ-ছাত্ৰীসকলক । সততে উন্নয়ণৰ ঢাক-ঢোল বজোৱা চৰকাৰখনে কেতিয়াকৈ গুৰুত্ব দিব এই সমূহ বিষয়ত, সেয়া এতিয়া লাখটকীয়া প্ৰশ্ন ।
লগতে পঢ়ক: Online ticket booking in Kaziranga : কাজিৰঙাত পৰ্যটকৰ ৰ্য বাবে মুকলি অনলাইন টিকট বুকিং প্ৰক্ৰিয়
