নলবাৰী,২৫ এপ্ৰিল: ৰাজ্যৰ বিভিন্ন প্ৰান্তৰ লগতে নলবাৰীত ক্ৰমাৎ বৃদ্ধি পাইছে ক’ভিড ৰোগীৰ সংখ্যা ৷ জিলাখনৰ স্বাস্থ্য বিভাগে জনোৱা তথ্য অনুসৰি, শনিবাৰৰ দিনটোত ৬০ গৰাকীৰ দেহত ধৰা পৰিছে ক’ভিডৰ অৱস্থিতি । ফলত জিলাখনত শনিবাৰৰ দিনটোলৈ কৰ’ণাত আক্ৰান্তৰ ৩,৯২৬ গৰাকীলৈ বৃদ্ধি পাইছে । লগতে ৩১৯ গৰাকী ব্যক্তি ভাইৰাছবিধত আক্ৰান্ত হৈ আছে । শনিবাৰে কৰা ৬০ গৰাকী ব্যক্তিৰ ভিতৰত ৫৯ গৰাকীৰ ৰেপিড এণ্টিজেন পৰীক্ষা আৰু RTPCR পৰীক্ষাত এজনৰ দেহত ক’ভিডৰ অৱস্থিতি ধৰা পৰে । আক্ৰান্ত সকলৰ ২৯৭ গৰাকী সম্প্ৰতি হোম আইছলেচনত আছে ।
বৰ্তমান ৰাজ্যত মহামাৰীৰ সংক্ৰমণে এক উদ্বেগজনক পৰিস্থিতিৰ সৃষ্টি কৰিছে । প্ৰতিদিনে আক্ৰান্তৰ সংখ্যা বাঢ়িছে । চৰকাৰ, প্ৰশাসনে ইয়াৰ বাবে কেতবোৰ বিধি নিয়ম (এছঅ’পি) জাৰি কৰিছে । সকলোৱে যাতে সাৱধানে আৰু সতৰ্কতাৰে থাকে সেয়াই ৰাইজৰ প্ৰতি চৰকাৰ তথা প্ৰশাসনৰ আহ্বান ।
