নলবাৰীৰ দুৰ্ভগীয়া দ্বীপজ্যোতিক প্ৰয়োজন আপোনাৰ সহায়ৰ

জীৱন-মৃত্যুৰে যুঁজিছে নলবাৰী বৰভাগৰ দ্বীপজ্যোতিয়ে ৷ নলবাৰী বৰভাগৰ ক্ষুদ্ৰডিংডিঙি গাঁৱৰ দ্বীপজ্যোতিৰ বিকল হৈ পৰিছে দু্য়োটা বৃক্ক ৷ পিতৃহাৰা দ্বীপজ্যোতিৰ মাতৃয়ে চিকিৎসাৰ বাবে হেৰুৱাইছে দিক-বিদিক ৷

নলবাৰী, 9 নৱেম্বৰঃ জীৱন-মৃত্যুৰে যুঁজিছে নলবাৰী বৰভাগৰ দ্বীপজ্যোতিয়ে ৷ নলবাৰী বৰভাগৰ ক্ষুদ্ৰডিংডিঙি গাঁৱৰ দ্বীপজ্যোতিৰ বিকল হৈ পৰিছে দু্য়োটা বৃক্ক ৷ ফলত এতিয়া অতি দৰিদ্ৰ পৰিয়ালৰ দ্বীপজ্যোতিৰ জীৱনলৈ নামি আহিছে ঘোৰ অমানিশা ৷ পিতৃহাৰা দ্বীপজ্যোতিৰ মাতৃয়ে চিকিৎসাৰ নামত হেৰুৱাইছে দিক-বিদিক ৷ ঘৰৰ মাটি-সম্পত্তি বিক্ৰী কৰিও পূৰাব পৰা নাই দ্বীপজ্যোতিৰ চিকিৎসাৰ খৰছ ৷

স্থানীয় বিধায়ক নাৰায়ণ ডেকাই ছমাহ পূৰ্বেই দহ হাজাৰ টকাৰ আৰ্থিক সাহায্য ঘোষণা কৰিছিল যদিও পৰিয়ালটোৱে এতিয়ালৈ নাপালে এটা ফুটাকড়িও ৷ অসহায় মাতৃয়ে এতিয়া সহায় বিচাৰি স্বাস্থ্যমন্ত্ৰী হিমন্ত বিশ্ব শৰ্মা, কণ্ঠশিল্পী জুবিন গাৰ্গ তথা অভিনেতা যতীন বৰাৰ লগতে বিভিন্ন জনলৈ জনাইছে কাতৰ আহ্বান ৷ দ্বীপজ্যোতিক সহায় কৰিব বিচৰাজনে ভাৰতীয় ষ্টেট বেংকৰ কালাগ শাখাত মাতৃ ভৱানী কলিতাৰ নামত থকা (IFSC code:SBIN 0007006) একাউন্ট নম্বৰ 11866410182 ত আৰ্থিক সাহায্য আগবঢ়োৱাৰ অনুৰোধ জনাইছে পৰিয়ালে ৷

আৰু পঢ়কঃ গোৱালপাৰা জিলা আছুৰ অষ্টাদশ অধিৱেশন