কুঠাৰেৰে ঘপিয়াই হত্য়া দুজনকঃ আৰক্ষীৰ জালত হত্য়াকাৰী পংকজ

নলবাৰীৰ হাতী নমাতিত নিশা সংঘটিত হৈছিল বৰ্বৰ হত্যাকাণ্ড ৷ নিশা সুৰাসক্ত পঙ্কজ দেবনাথে নিজৰ ককায়েক অজয় দেবনাথৰ লগতে ককায়েকৰ বন্ধু চন্দন দেবনাথক কুঠাৰেৰে ঘপিয়াই বৰ্বৰ ভাবে আক্ৰমণ কৰি হত্যা কৰাৰ লগতে পিতৃ আৰু বৌয়েকক ঘপিয়াই গুৰুতৰ ভাবে আহত কৰে ।

নলবাৰী, 15 জুন: অৱশেষত আৰক্ষীৰ জালত পৰিল হত্যাকাৰী পঙ্কজ । নলবাৰীৰ হাতী নমাতিত নিশা সংঘটিত হৈছিল বৰ্বৰ হত্যাকাণ্ড ৷ নিশা সুৰাসক্ত পঙ্কজ দেবনাথে কুঠাৰেৰে ঘপিয়াই নিজৰ ককায়েক অজয় দেবনাথৰ লগতে ককায়েকৰ বন্ধু চন্দন দেবনাথক বৰ্বৰ ভাবে আক্ৰমণ কৰি হত্যা কৰাৰ লগতে পিতৃ আৰু বৌয়েকক ঘপিয়াই গুৰুতৰ ভাবে আহত কৰে । একেদৰে কুলাঙ্গাৰ পঙ্কজে চুবুৰিৰে পইনুৰ আলীৰ ঘৰত সোমাই আক্ৰমণ কৰি আহত কৰিছিল ৷ এই বৰ্বৰ আক্ৰমণৰ ঘটনা সংঘটিত কৰি পলাতক হৈ আছিল পঙ্কজ । আৰু হাতী নমাতিৰ দাঁতি কাষৰীয়া গাওঁ হাঁহতলিৰ ৰাইজে পুৱতি নিশা পলাই থকা পঙ্কজক আটক কৰি নলবাৰী আৰক্ষীক গতাই দিয়ে । লগতে হত্যাকাণ্ডত ব্যবহৃত কুঠাৰখনো আৰক্ষীয়ে জব্দ কৰে ৷ কিয় এই নাৰকীয় কাণ্ড সংঘটিত কৰিলে এতিয়াও সেয়া জানিব পৰা হোৱা নাই ।