বানপীড়িতৰ কাষত ফেচবুক গ্ৰুপ "স্মাইল প্লিজ হাঁহিৰ ভঁৰাল "

বানপীড়িত ৰাইজলৈ সাহাৰ্য আগবঢ়াইছে "স্মাইল প্লিজ হাঁহিৰ ভঁৰাল "নামৰ ফেচবুক গ্ৰুপৰ সদস্যই

নলবাৰী, 5 আগষ্টঃ অসমৰ বান দুৰ্দশা দেখি বহুজন আগবাঢ়ি আহিছে বানপীড়িতক সহায়ৰ বাবে ৷ বানপীড়িত ৰাইজক সহায় কৰিছে বিভিন্ন দল সংগঠনে ৷ জনপ্ৰিয় চ'ছিয়েল মাধ্যম ফেচবুকৰ গ্ৰুপসমূহেও এই ক্ষেত্ৰত গ্ৰহণ কৰিছে প্ৰশংসনীয় পদক্ষেপ ৷ সোমবাৰে বানপীড়িতক সহায়ৰ বাবে আগবাঢ়ি আহিল "স্মাইল প্লিজ হাঁহিৰ ভঁৰাল " নামৰ এটা ফেচবুক গ্ৰুপ ৷ বানে জুৰুলা কৰা নলবাৰীত ফেচবুক গ্ৰুপটোৱে প্ৰদান কৰিলে বান সাহাৰ্য ৷ গলবিলত পাগলদিয়া নৈয়ে সংহাৰী ৰূপ চলোৱাৰ পিছত বিধস্ত হৈ পৰিছিল অঞ্চলটো । সোমবাৰে গলবিল গাঁৱত ফেচবুক গ্ৰুপটোৱে বান সাহাৰ্য প্ৰদান কৰে ৷

উল্লেখযোগ্য যে ,গাওঁখনৰ প্ৰায় 90 টা পৰিয়ালক চাউল,দাইল,চেনিকে ধৰি অত্যাৱশ্যকীয় সামগ্ৰী যোগান ধৰে । ফেচবুকত প্ৰায় 6000 সদস্য-সদস্যা থকা গ্ৰুপটোৰ এই পদক্ষেপে অঞ্চলটোৰ ৰাইজলৈ কিছু হ'লেও সকাহ দিব । সম্প্ৰতি ফেচবুক গ্ৰুপৰ এনে ধনাত্মক পদক্ষেপক শলাগ লৈছে সকলোৱে ৷