নলবাৰী , ৩১ জানুৱাৰী : নলবাৰীত পুনৰ এটি চাঞ্চল্যকৰ ঘটনা সংঘটিত হৈছে ৷ নিশা গছত ওলমি থকা অৱস্থাত উদ্ধাৰ হয় এজন 16 বছৰীয়া কিশোৰৰ মৃতদেহ (Body of teenage boy found hanging)৷ কিশোৰ গৰাকীৰ নাম ৰাহুল আলী বুলি জানিবলৈ পোৱা গৈছে ৷ নলবাৰীৰ ৩১ নং ৰাষ্ট্ৰীয় ঘাইপথৰ দাঁতিৰ এডাল গছত চিপ লৈ ওলমি থকা অৱস্থাত কিশোৰজনক প্ৰত্যক্ষ কৰে স্থানীয় ৰাইজে ৷ ইয়াৰ পিচতে অঞ্চলজুৰি সৃষ্টি হয় তীব্ৰ চাঞ্চল্যৰ ৷
পেছাত এগৰাকী ই-ৰিক্সাচালক বুলি জানিবলৈ পোৱা গৈছে কিশোৰজনক ৷ নলবাৰী চহৰৰ জ্যোতিকুছিত ভাড়াতীয়া হিচাপে বাস কৰি আহিছিল ৰাহুল আলীয়ে ৷ পিতৃহাৰা ১৬ বছৰীয়া কিশোৰজনে মাতৃৰ সৈতে নলবাৰী চহৰৰ জ্যোতিকুছিত ই ৰিক্সা চলাই কোনোৰকমে জীৱন নিৰ্বাহ কৰি আহিছিল । ৰাহুলৰ মৃতদেহ গছত ওলমি থকা অৱস্থাত উদ্ধাৰ হোৱাৰ খবৰ বিয়পি পৰাৰ পিচত পৰিয়াল আৰু আত্মীয়ৰ মাজত এক অভাৱনীয় পৰিস্থিতিৰ সৃষ্টি হয় । প্ৰকৃততে এয়া আত্মহত্যা নে অন্য কিবা ঘটনা, তাক লৈ অঞ্চলজুৰি বৰ্তমানেও অব্যাহত আছে চাঞ্চল্য । পৰৱৰ্তী সময়ত ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰি ঘটনা সন্দৰ্ভত আৰম্ভ কৰিছে তদন্ত । উল্লেখ্য যে, ঘটনাস্থলীৰ সমীপতে আৰক্ষীয়ে উদ্ধাৰ কৰিছে ৰাহুল আলীৰ ই-ৰিক্সাখন ৷
উল্লেখ্য যে, সোমবাৰে আন এক চাঞ্চল্যকৰ ঘটনা সংঘটিত হৈছে ৰাজ্যৰ অন্যতম এখন অগ্ৰণী জিলা নলবাৰীত ৷ জিলাখনৰ বৰক্ষেত্ৰীৰ বৰনৰ্দ্দী গাঁৱত সংঘটিত হৈছিল উক্ত ঘটনাটো ৷ সোমবাৰে বিয়লি একেখন গাঁৱৰে এজন টেম্পুচালকে আন এজন টেম্পুচালকক উপৰ্যুপৰি দাৰে ঘপিয়াই হত্যা কৰাৰ খবৰে সংবাদ মাধ্যমত লাভ কৰিছিল বিশেষ চৰ্চা ৷
সোমবাৰে বিয়লি টেম্পো চালক ৰচিদ আলীয়ে মুকুট ৰহমান নামৰ এগৰাকী সতীৰ্থ টেম্পুচালকক বৰনৰ্দ্দী চ’কত দাৰে উপৰ্যুপৰি ঘপিয়াই গুৰুতৰভাৱে আহত কৰে (Tempo driver murder in Nalbari) ৷ ইয়াৰ পিচতেই গুৰুতৰভাৱে আহত মুকুট ৰহমানক স্থানীয় লোকে ততাতৈয়াকৈ নলবাৰীৰ এখন ব্যক্তিগত চিকিৎসালয়ত ভৰ্তি কৰায় যদিও চিকিৎসকে মৃত ঘোষণা কৰে মুকুট ৰহমানক (Brutal Muder in Nalbari) ৷
আনহাতে টেম্পুচালক মুকুট ৰহমানক হত্যাৰ অভিযোগত অভিযুক্ত ৰচিদ আলীয়ে ঘটনা সংঘটিত কৰিয়েই পলায় সাৰিবলৈ যত্ন কৰে যদিও কিছুসময়ৰ পিচত বেলশৰ আৰক্ষীয়ে অভিযুক্ত ৰচিদ আলীক কৰায়ত্ত কৰিবলৈ সক্ষম হয় (Sensational murder in Nalbari) ৷ উক্ত ঘটনাৰ চাঞ্চল্য মাৰ নৌয়াওঁতেই সোমবাৰৰ নিশা সংঘটিত হোৱা এনে ঘটনাই চিন্তান্বিত কৰি তুলিছে নলবাৰীবাসীক ৷
লগতে পঢ়ক : Budget session 2023: আজি লোকসভা আৰু ৰাজ্যসভাৰ যৌথ অধিৱেশনত ভাষণ দিব ৰাষ্ট্ৰপতি দ্ৰৌপদী মুৰ্মুয়ে
