নগাঁও, 23 মে': হোজাই জিলাৰ বিভিন্ন প্ৰান্তত অব্যাহত আছে বন্যহস্তীৰ তাণ্ডৱ ৷ শুকুৰবাৰে ওৰে নিশা এটা বনৰীয়া হাতীয়ে তাণ্ডৱ চলালে হোজাইৰ থেপেলাগুৰি অঞ্চলত ৷ নিশা বনাঞ্চলৰ পৰা ওলাই অহা হাতীটোৱে জনাঞ্চলত প্ৰৱেশ কৰি তহিলং কৰে গছ গছনিৰ লগতে খেতি পথাৰ ৷ হাতীটোৱে সৃষ্টি কৰা আতংকময় পৰিবেশৰ বাবে ওৰে নিশা উজাগৰে কটাবলগীয়া হয় গাওঁবাসীয়ে ৷
হোজাইত বনৰীয়া হাতীৰ আতংক
আতংকিত গঞাই হাতীটো খেদিবলৈ চেষ্টা কৰে যদিও ব্যৰ্থ হোৱাত অৱশেষত পুৱতি নিশা বন বিভাগৰ লোক উপস্থিত হৈ হাতীটো খেদি পঠিয়াবলৈ সক্ষম হয় ৷ উল্লেখযোগ্য যে বিগত কিছুদিন ধৰি হোজাইৰ বিভিন্ন প্ৰান্তত এনেদৰে আতংকৰ সৃষ্টি কৰি আহিছে বনৰীয়া হাতীয়ে ৷
