কলিয়াবৰ,11 জানুৱাৰী : সোমবাৰে কলিয়াবৰত বনৰীয়া হাতীৰ আক্ৰমণত এজন লোক নিহত হয় ৷ জখলাবন্ধাৰ বাঘজানত প্ৰায় 9 বজাত হাতীৰ আক্ৰমণত নিহত হয় লোকজন ।
চন্দ্ৰ গোৱালা নামৰ 65 বছৰীয়া লোকজনক ঘৰৰ বাৰাণ্ডাতে বনৰীয়া হাতীয়ে আক্ৰমণ কৰে। ইতিমধ্যে,ঘটনাস্থলীত আৰক্ষী আৰু বন-বিভাগৰ লোক উপস্থিত হৈছে । তথ্য অনুসৰি,কাজিৰঙা ৰাষ্ট্ৰীয় উদ্যানৰ পৰা ওলাই বনৰীয়া হাতীৰ এটা বৃহৎ দলে প্ৰায়েই হাতীমূৰা-কুকুৰাকটা পাহাৰ সংযোগী কলঙমুখৰ মথাউৰিৰ ব্ৰহ্মপুত্ৰৰ দিশে অৱস্থান লৈ থকা দেখা যায় ।
উল্লেখ্য যে,বন-বিভাগে সৌৰ শক্তিৰ ফেঞ্চিং দিয়া স্বত্বেও বনৰীয়া হাতীৰ উপদ্ৰৱৰ ফলস্বৰূপে সোমবাৰে নিশা দুৰ্ভাগ্যজনভাৱে লোকজনে মৃত্যু হয় ৷
লগতে পঢ়ক : ভোগালীৰ মৎস্য চিকাৰত নিষেধাজ্ঞা নগাঁও জিলা প্ৰশাসনৰ
