ৰূপহীহাট,19 ছেপ্তেম্বৰ: মানুহ যে ইমান নিষ্ঠুৰ হব পাৰে তাক পুনৰ এবাৰ প্ৰমাণ কৰিলে শালকাটি পথাৰৰ আব্দুল হামিদ নামৰ লোকজনে ৷ নিজকে ডন সজাই অঞ্চলটোৰ স্থানীয় ৰাইজক আতংকিত কৰি অহা আব্দুল হামিদ নামৰ লোকজনে আক্ৰমণ কৰি গুৰুতৰভাৱে আহত কৰিলে বিশেষভাৱে সক্ষম এটি শিশুক ।
চাহাদুল ইছলাম নামৰ শিশুটিয়ে সমনীয়াৰ লগত খেলি থকাৰ সময়তে কোনো কথাত তেওঁলোকৰ নিজৰ মাজতে সুত্ৰপাত হয় কাজিয়াৰ । শিশুকেইটিৰ মাজত হোৱা কাজিয়াৰ আলমতে আব্দুল হামিদ নামৰ লোকজনে ভালদৰে খোজকে কাঢ়িব নোৱাৰা তথা কথা কব নোৱাৰা বিশেষ ভাবে সক্ষম শিশুটিক বৰ্বৰ আক্ৰমণ চলাই বেয়াকৈ আঘাতপ্ৰাপ্ত কৰে ।
ঘটনা সন্দৰ্ভত শিশুটিৰ পৰিয়ালে ধিং আৰক্ষী থানাত এখন এজাহাৰ দাখিল কৰিছে । গাঁও বাসীয়েও অঞ্চলটোৰ আতংক আব্দুল হামিদক আটক কৰি উচিত শাস্তি বিহাৰ দাবী জনাইছে ।
লগতে পঢ়কঃ বাঘজানৰ ক্ষতিপূৰণৰ প্রাপ্য অধিকাৰ সন্দৰ্ভত ত্ৰিপাক্ষিক বৈঠক
