ৰহা, 13 মে’: অৰাজক পৰিস্থিতিৰ ৰহাৰ ৰণথলী সমূহীয়া স্বাস্থ্যকেন্দ্ৰত । চিকিৎসকৰ হেমাহীৰ বাবেই জীয়াতু ভুগিবলগীয়া হৈছে ৰোগীয়ে । ৰহা ৰণথলী সমূহীয়া স্বাস্থ্যকেন্দ্ৰৰ সোমবাৰৰ দৃশ্য এইয়া ৷
স্বাস্থ্যকেন্দ্ৰটোত নাই এজনো চিকিৎসক, ফলত হাহাকাৰ ৰোগীৰ লগতে ৰোগীয় আত্মীয়ৰ মাজত । পুৱা 8:30 বজাতে অহা ৰোগীয়ে এনেদৰে চিকিৎসালয়খনৰ য'তে ত'তে পৰি থাকিবলগীয়া হৈছে । ফলত এক উত্তেজনা বিৰাজ কৰে চিকিৎসালয়খনত । বহু ৰোগী ডাক্তৰ নহাৰ বাবে নগাৱঁলৈ যাবলৈ বাধ্য হয় । এনেকৈয়ে যোৱা বহু বছৰে চলি আহিছে চিকিৎসালয়খন । মন গলে চিকিৎসক আহে, নহলে নাহে । 8:30 বজাৰ পৰা ডিউটি থকা চিকিৎসক আহে দুপৰীয়া 11 অথবা 12 বজাত ।
লগতে পঢ়ক: সোণালী সূতাৰে আত্মনিৰ্ভৰশীল হোৱাৰ প্ৰচেষ্টাত প্ৰাক্তন আলফানেতা
নিজৰ ঘৰত থকা চেম্বাৰত ৰোগী চাব লাগে, সেয়ে চিকিৎসালয়লৈ অহাত পলম হয় । আকৌ ৰোগীসকলৰ অভিভাৱকৰ মতে চিকিৎসা সেৱাও সন্তোষজনক নহয় চিকিৎসালয়খনত । উল্লেখ্য যে চিকিৎসালয়খনত দুজন চিকিৎসক নিয়োগ কৰা হৈছে যদিও উপস্থিতি অনিয়মীয়া বুলি অভিযোগ উঠিছে ।
