নগাঁও, 25 মাৰ্চঃলোকসভা নিৰ্বাচন সমাগত যদিও নগাঁও জিলা ৰহা সমষ্টিৰ এখন বাঁহৰ দলঙে জীয়াতু ভুগাইছে গাঁওবাসীক ৷ গুৰুত্বপূৰ্ণ কথা যে নগাঁও সাংসদীয় সমষ্টিৰ প্ৰাৰ্থীৰ সন্মুখত বিশখনকৈ গাঁৱৰ দুৰ্ভগীয়া ৰাইজৰ অভাৱ অভিযোগ৷ ৰহা সমষ্টিৰ এই গাঁওখনত আছে মাথো এখন বাঁহৰ দলং ৷ আৰু এই দলঙখনেই হৈ পৰিছে 10 খন গাঁৱৰ যাতায়তৰ একমাত্ৰ ভৰষা | কিন্তু গাৱঁলৈ আহিব নোৱাৰে 108 এম্বোলেন্স |
উল্লেখ্য যে দলঙখনৰ ওপৰেদিয়ে নিৰ্বাচনৰ সময়ত পাৰ হৈ ভোট বিচাৰি আহে জনপ্ৰতিনিধি সকলে | নিৰ্ব্বাচনৰ সময়ত গঞা ৰাইজৰ হাতত ধৰি খুপি খুপি পাৰ হৈছিল ৰহা সমষ্টি বিধায়ক ডিম্বেশ্বৰ দাস । ভোট বিচাৰি আহোতে মৰণফাণ্ড সদৃশ দলংৰ পৰা তললৈ পৰি যোৱাৰ পৰা কথমপি ৰক্ষা পৰিছিল দাস | পিচেগঞা ৰাইজক প্ৰতিশ্ৰুতিও দিছিল বিধায়ক হলে দলং খন নিৰ্মাণকৰি দিব তেওঁ । কিন্তু বিধায়ক নিৰ্বাচিত হোৱাৰ পিচতেজনপ্ৰতিনিধিয়ে পাহৰি গ'ল সকলো ।ৰাইজে দলং বিচাৰি যাওতে উভতি গাঁৱবাসীকেই সুধিলে পোন্ধৰবছৰে কি কৰি আছিলে ?
বছৰ বছৰ ধৰি চৰকাৰৰ প্ৰতাৰণাৰ বলি হোৱা নগাওঁৰ ৰহা সমষ্টিৰ কচুৱাৰ সাতলুঙাবাসীয়ে ক্ষোভত চৰকাৰলৈ বাট নাচাই নিজৰ গাঁঠিৰ ধন খৰচ কৰি নিৰ্মাণকৰিছে এখন পকীদলং তথাপিও সম্পূৰ্ণ কৰিব নোৱাৰিলে দলঙখন | বাঁহৰ দলংখন জৰাজীৰ্ণ হোৱাৰবাবে গাঁৱৰ ৰাইজে পুনৰ নিৰ্মাণকৰিছে এখন বাঁহৰ দলং | সেয়েহে এইবাৰ গাঁৱৰ ৰাইজে সিদ্ধান্ত ল'লে যিজন জনপ্ৰতিনিধিয়ে আধৰুৱা হৈ থকা দলংখন সম্পূৰ্ণ কৰিব তেওঁকহে ভোট দিয়া হ'ব |
