নগাঁও, 28 নৱেম্বৰ: ৰহা সমষ্টিৰ কঠিয়াতলী উন্নয়ন খণ্ডৰ অন্তৰ্গত চাংচকী গাঁও পঞ্চায়তত ব্যাপক দুৰ্নীতিৰ অভিযোগ ৷ শেহতীয়া RTI তথ্যত ফাদিল হৈছে দুৰ্নীতিৰ বহু তথ্য ৷
চাংচকী গাঁৱত বৰ্তমান হিতাধিকাৰীক মাননি দিলেহে চাকৰি পোৱা যায় ৷ এই অভিযোগ অঞ্চলবাসীৰ ৷পঞ্চায়ত আৰু গ্ৰামোন্নয়ন বিভাগৰ উন্নয়নৰ নামত প্ৰৱঞ্চনা কৰি আহিছে গাঁওবাসীক ৷ চাংচকী গাঁও পঞ্চায়তৰ উন্নয়নৰ বাবে চৰকাৰে বহু ধনৰ আবণ্টন কৰিছে যদিও বৰ্তমানেও উন্নয়নৰ মুখ দেখি নাপালে অঞ্চলবাসীয়ে ৷ শেহতীয়াকৈ অঞ্চলটোত ১০ লাখ টকা ব্যয় সাপেক্ষে নিৰ্মাণ কৰা হৈছিল এটা নলা ৷ কিন্তু নলাৰ কাম আধৰুৱা কৰিয়ে পঞ্চায়তৰ সভাপতি পোনাৰাম বৰাই ধন আত্মসাৎ কৰাৰ অভিযোগ অঞ্চলবাসীৰ ৷
অন্য এক খবৰৰ বাবে : তেজপুৰত শুই থকা অৱস্থাত মৃত্যু হয় এহাল দম্পতীৰ
ইফালে,পঞ্চায়তটোৰ চতুৰ্থ বিত্তীয় ধন ব্যৱহাৰতো ব্যাপক দুৰ্নীতি সংঘটিত কৰাৰ অভিযোগ বিজেপি দলৰ সভাপতি ডিম্বেশ্বৰ দাস আৰু পঞ্চায়তৰ সভাপতি পোনাৰাম বৰাৰ বিৰুদ্ধে ৷ অঞ্চলবাসীয়ে বিধায়ক গৰাকীক এই ক্ষেত্ৰত বহুবাৰ সমস্যাসমূহ সমাধানৰ বাবে জনায় আহিছে যদিও বিধায়কগৰাকীয়ে কোনো গুৰুত্ব গ্ৰহণ কৰা নাই ৷
