কলিয়াবৰত শ্বহীদ নৰেন্দ্ৰ নাথ মহন্ত সোঁৱৰণী একাংকিকা নাট প্ৰতিযোগিতা

কলিয়াবৰ কেন্দ্ৰীয় ছাত্ৰ সন্থাৰ উদ্যেগত শ্বহীদ নৰেন্দ্ৰ নাথ মহন্ত সোঁৱৰণী সদৌ অসম চৰ্তুত্ৰিংশতম্ বাৰ্ষিক একাংকিকা নাট প্ৰতিযোগিতা ৷ কুঁৱৰীটোল মুক্তি যুঁজাৰু ভৱনত অনুষ্ঠিত হৈছে নাট প্ৰতিযোগিতা ৷

কলিয়াবৰ, 9 নৱেম্বৰ : কলিয়াবৰ কেন্দ্ৰীয় ছাত্ৰ সন্থাৰ উদ্যোগত অনুষ্ঠিত হয় শ্বহীদ নৰেন্দ্ৰ নাথ মহন্ত সোঁৱৰণী সদৌ অসম চৰ্তুত্ৰিংশতম্ বাৰ্ষিক একাংকিকা নাট প্ৰতিযোগিতা ৷ যোৱা 7 আৰু 8 নৱেম্বৰত দুদিনীয়া কাৰ্যসূচীৰে অনুষ্ঠিত হয় এই প্ৰতিযোগিতা ৷ প্ৰতিযোগিতাৰ মঞ্চত শিশু সকলে অভিনয় কৰে নাট্যকাৰ অঞ্জন ভূঞাৰ "লাইট চাউণ্ড কেমেৰা এক্সন" ৷ গুৱাহাটীৰ চৰাই চাপৰি নাট‍্যদলৰ শিশুসকলৰ অভিনয়ে পঞ্চলিশ মিনিট সময় মন্ত্ৰমুগ্ধ কৰি ৰাখে। চৰ্তুত্ৰিংশতম একাংকিকা নাট প্ৰতিযোগিতাত সৰ্বমুঠ 18 টা দলে অংশগ্ৰহণ কৰে ৷ শ্ৰেষ্ঠ নাটক হিচাপে নিৰ্বাচিত হয় নাট্যকাৰ অমৰ শৰ্মাৰ "পেণ্ডুলাম" ৷ শ্ৰেষ্ঠ অভিনেতাৰ পুৰস্কাৰ লাভ কৰে বিদ্যুৎ কুমাৰ নাথে,শ্ৰেষ্ঠ অভিনেত্ৰী অদৃস্না ৰাজবংশী,শ্ৰেষ্ঠ নাট্যকাৰ অমৰ শৰ্মা ( নাটক= পেণ্ডুলাম ) আৰু শ্ৰেষ্ঠ পৰিচালক শিল্পীকা বৰা (নাটক= ভাগ্যফল শূণ্য ) ই লাভ কৰে ৷ কিন্ত প্ৰতিযোগিতা খনৰ মৰ্যদা পূৰ্বতকৈ হ্ৰাস পাইছে বুলি ব্যক্ত কৰে পৰিচালনা সমিতিৰ বিষয়ববীয়াই ৷

লগতে চাওকঃ নাজিৰাৰ মেকিপুৰ চাহ বাগিছাত প্ৰকাণ্ড নাহৰফুটুকী পিঞ্জৰাবদ্ধ