বঢ়মপুৰত ড৹ ভূপেন হাজৰিকাৰ প্ৰতিমূৰ্তি উন্মোচন

বৰক’লা আদৰ্শ প্ৰাথমিক বিদ্যালয়ত গুৰু টেগবাহাদুৰ জাতীয় ন্যাসৰ সৌজন্যত নিৰ্মাণ কৰা সুধাকণ্ঠৰ ১৭ ফুট উচ্চতাৰ পূৰ্ণাংগ প্ৰতিমূৰ্তিটো দেওবাৰে উন্মোচন কৰে কৃষক জলেশ্বৰ ৰবি দাসে ৷ শিল্পী লক্ষ্যজিৎ বৰাই নিৰ্মাণ কৰে উক্ত মুৰ্তিটো ৷

বঢ়মপুৰ,9 ফেব্ৰুৱাৰীঃ নগাঁৱৰ বৰক’লাত শিল্পী লক্ষ্যজিৎ বৰাৰ পৰশত প্ৰাণ পাই উঠে ড৹ ভূপেন হাজৰিকাৰ এটি প্ৰতিমূৰ্তিয়ে ৷ সুধাকণ্ঠৰ ১৭ ফুট উচ্চতাৰ পূৰ্ণাংগ প্ৰতিমূৰ্তিটো দেওবাৰে উন্মোচন কৰে কৃষক জলেশ্বৰ ৰবি দাসে ৷

বৰক’লা আদৰ্শ প্ৰাথমিক বিদ্যালয়ত গুৰু টেগবাহাদুৰ জাতীয় ন্যাসৰ সৌজন্যত নিৰ্মাণ কৰা মূৰ্তিটোৰ উন্মোচনী অনুষ্ঠানত উপস্থিত থাকে অসম সাহিত্য সভাৰ প্ৰাক্তন সভাপতি ড° নগেন শইকীয়া, গণশিল্পী মহেন্দ্ৰ হাজৰিকা, বিশিষ্ট কবি-সাহিত্যিক নন্দ সিং বৰক’লা আদি ৷ উল্লেখ্য যে, সুধাকণ্ঠই উচ্চ-নীচ, জাতিভেদ পৰিহাৰ কৰিবলৈ জনোৱা আহ্বানক সন্মান জনাই এজন কৃষকৰ হাতেৰে উন্মোচন কৰা হয় প্ৰতিমূৰ্ত্তিটো ৷

লগতে চাওকঃহোমেন বৰগোহাঞি আৰু সূৰ্য্য দাসলৈ শ্বহীদ কৰম সিংহ বঁটা