নগাঁও, 27 ছেপ্টেম্বৰ : সোমবাৰে সন্ধিয়া নগাঁৱৰ পানীগাঁও চাৰিআলিত একেলগে দেখা গ’ল অসমৰ চাৰি তাৰকাক । যুৱ প্ৰজন্মৰ হাৰ্ট থ্ৰ’ব জুবিন গাৰ্গ, অভিনেতা যতীন বৰা, এথলীট হিমা দাস, কলংপৰীয়া বিহুৱা শিল্পী কৃষ্ণমণি নাথে (Artist Krishnamani Nath) নগাঁৱৰ পানীগাঁও চাৰিআলিত এখন অত্যাধুনিক হোটেলৰ শুভ উদ্বোধন কৰে ৷ এই হোটেল উদ্বোধনী অনুষ্ঠানত অংশ লৈ সংবাদ মাধ্যমৰ সন্মুখত বহুকেইটা গুৰুত্বপূৰ্ণ মন্তব্য কৰে অসমৰ চাৰি তাৰকাই ।
নগাঁৱৰ প্ৰতিষ্ঠিত ব্যৱসায়ী প্ৰতিষ্ঠান ৰুমী ৰূপকৰ নতুন এখন অত্যাধুনিক হোটেল উদ্বোধন (Inauguration of ultramodern hotel in Nagaon) কৰিবলৈ উপস্থিত হয় জুবিন, যতীন, হিমা আৰু কৃষ্ণমণি । ক’ভিড সৃষ্ট পৰিৱেশৰ পিছত পুনৰ অসমীয়া ছবি নিৰ্মাণৰ কাম আৰম্ভ কৰাৰ কথা উল্লেখ কৰে হাৰ্ট থ্ৰ’ব জুবিন গাৰ্গে (Heart throb Zubin Garg) ।
অহা জানুৱাৰী মাহৰ শেষৰ পৰা নতুন ছবিৰ কাম আৰম্ভ কৰাৰ কথা উল্লেখ কৰে শিল্পীগৰাকীয়ে ।
লগতে পঢ়ক : জন্মদিনৰ পূৰ্বে উপহাৰ স্বৰূপ প্ৰবীণ অভিনেত্ৰী আশা পাৰেখলৈ আগবঢ়োৱা হ'ব দাদাচাহেব ফাল্কে বঁটা
লগতে নৱ প্ৰজন্মক অধ্যয়নৰ লগতে সংগীত, ছবি আদিৰ সৈতেও জড়িত হৈ আগবাঢ়ি যাবলৈ আহ্বান জনাই কণ্ঠশিল্পী জুবিন গাৰ্গে । অভিনেতা যতীন বৰায়ো নতুন ছবিৰ কাম আৰম্ভ কৰিব (Jatin Bora to be busy with new Assamese film work) বুলিও মন্তব্য কৰে সংবাদ মাধ্যমৰ আগত । এইবাৰ পূজাত যতীন বৰা তেওঁৰ নতুন ছবি ৰাঘৱ (New Assamese flim Raghav) নিৰ্মাণত ব্যস্ত থাকিব । যতীন বৰাৰ নতুন ছবি ৰাঘৱৰ গীতত কণ্ঠদান কৰিব কণ্ঠশিল্পী জুবিন গাৰ্গে ।
নগাঁৱৰ ঋষিৰাজ নামৰ হোটেলৰ উদ্বোধনী অনুষ্ঠানত উপস্থিত থাকি এথলীট হিমা দাসে (Athletic Hima Das) ৰাষ্ট্ৰীয় ক্ৰীড়াত অসম দলে ভাল ফলাফল প্ৰদৰ্শন কৰিব বুলি আশা প্ৰকাশ কৰে ।
লগতে পঢ়ক : World Tourism Day 2022 : কলিয়াবৰত আছে পৰ্যটনৰ সীমাহীন সমল
