বঢ়মপুৰ, 19 ডিচেম্বৰ : নগাঁও জিলাৰ কামপুৰ লুটুমাৰীত যোৱা নিশা সংঘটিত হয় এক ভয়ংকৰ অগ্নিকাণ্ড ঘটনা ৷ এই অগ্নিকাণ্ডৰ ফলত দাউ দাউকৈ জ্বলি উঠিল পাঁচখনকৈ দোকান ৷
এখন গেলামালৰ দোকানৰ পৰাই জুইৰ সূত্ৰপাত হোৱা সন্দেহ প্ৰকাশ কৰিছে স্থানীয় লোকে ৷ স্থানীয় লোকে জানিবলৈ দিয়া অনুসৰি, এই অগ্নিকাণ্ডৰ জুই নুমুৱাবলৈ কামপুৰ অগ্নি নিৰ্বাপক বাহিনীৰ তিনিখনকৈ গাড়ী উপস্থিত হৈ জুই নিৰ্বাপনৰ চেষ্টা কৰে যদিও জুইৰ লেলিহান শিখাই নিমিষতে চাৰখাৰ কৰে পাঁচখনকৈ দোকান ৷
উল্লেখ্য যে, অগ্নিকাণ্ডত প্ৰায় ১০ লাখৰো অধিক সা-সম্পত্তিৰ ক্ষয়-ক্ষতি হোৱাৰ ধাৰণা প্ৰকাশ কৰিছে স্থানীয় লোকে ৷
লগতে পঢ়ক :কফিনত স্ব-গৃহ লৈ আহিল বেংগালুৰুত হত্যাৰ বলি হোৱা বৰপেটাৰ ছাত্ৰী
