নগাঁও, 28 আগষ্টঃ ৰূপহীহাটত বৃহস্পতিবাৰে ৩০ লাখ টকাৰ জালনোট জব্দ আৰক্ষীয়ে ৷ মেঘালয়ৰ পৰা ML06A-1002 নম্বৰৰ আৰটিকা বাহনেৰে আহিছিল যুৱক চাৰিজন । ধৃত জালনোটসহ আটক কৰা হয় চাৰি জাল নোট সৰবৰাহকাৰী ক্ৰমে শ্বাইনিং মাথুং, গডেন চিংটং, কাৰ্মিং ইউফানো আৰু খেন বৰলেন ৷ মেঘালয়ৰ ৱেষ্ট খাচি শিল জিলাৰ নংটং আৰক্ষীৰ আন্তৰ্গত উপৰ নিউ ননষ্টিং গাঁৱৰ বাসিন্দা বুলি জানিব পৰা গৈছে আটকাধীন যুৱক কেইজন ।
আৰক্ষীৰ জালত চাৰি জাল নোট সৰবৰাহকাৰী
উল্লেখযোগ্য যে, যুৱক চাৰিজনে ৩০ লাখ টকাৰ নকল নোট সলনি কৰিবৰ বাবে ৰূপহীহাটৰ গুনাবাৰীত ৰৈ থকা অৱস্থাত ৰাইজে সোধা-পোচা কৰে আৰু সমগ্ৰ ঘটনা পোহৰলৈ আহে ৷ ইপিনে ৰাইজে যুৱক চাৰিজনক উত্তম-মাধ্যম দি ৰূপহীহাট আৰক্ষীক গতাই দিয়ে ।
লগতে পঢ়কঃ লোকসভাত কংগ্ৰেছৰ উপ দলপতিৰ পদত অধিস্থিত হ‘ল সাংসদ গৌৰৱ গগৈ
