নগাঁৱত ব্ৰাউন চুগাৰসহ আটক সৰবৰাহকাৰী

নগাঁৱত অব্যাহত আছে ড্ৰাগছৰ বিৰুদ্ধে আৰক্ষীৰ অভিযান ৷ মঙলবাৰে নগাঁও চহৰৰ ফৌজদাৰী পট্টিত আৰক্ষীয়ে অভিযান চলাই হাতে-লোটে কৰায়ত্ত কৰে অলকাছ খান ওৰফে জেবু খান নামৰ এজন ড্ৰাগছ সৰবৰাহকাৰীক ৷

নগাঁও,9 ফেব্ৰুৱাৰী: নগাঁৱত অব্যাহত আছে ড্ৰাগছৰ বিৰুদ্ধে আৰক্ষীৰ অভিযান ৷ সোমবাৰে সন্ধিয়া ড্ৰাগছসহ তিনিজনকৈ সৰবৰাহকাৰীক হয়বৰগাঁৱত আটক কৰাৰ পিছতে মঙলবাৰে পুনৰ নগাঁও চহৰৰ ফৌজদাৰী পট্টিত আৰক্ষীয়ে অভিযান চলায় ৷

নগাঁও আৰক্ষীৰ নগৰ শাখাৰ ভাৰপ্ৰাপ্ত আৰক্ষী বিষয়া কুন্দন ৰবি দাসৰ নেতৃত্বত এটা অভিযানকাৰী আৰক্ষীৰ দলে অলকাছ খান ওৰফে জেবু খান নামৰ এজন ড্ৰাগছ সৰবৰাহকাৰীক আটক কৰে ৷ তদুপৰি ধৃত অলকাছ খানৰ ঘৰৰ পৰা ব্ৰাউন চুগাৰসহ বহু কণ্টেইনাৰ জব্দ কৰিবলৈ সক্ষম হয় আৰক্ষীয়ে ৷

লগতে পঢ়কঃ কোকৰাঝাৰত পুনৰ অবৈধ অস্ত্ৰ-শস্ত্ৰ উদ্ধাৰ