নগাঁৱত ড্ৰাগছ সহ এজন যুৱক আটক

নগাঁৱত খাটোৱাল আৰক্ষীয়ে ড্ৰাগছ সৰবৰাহ কৰি থকাৰ অৱস্থাত এজনক হাতেলোটে কৰায়ত্ব কৰে ।

চামগুৰি, 29 মে’ : নগাঁৱত খাটোৱাল আৰক্ষীয়ে ড্ৰাগছ সহ এজন যুৱক আটক কৰে ৷ খাটোৱাল আৰক্ষী থানাৰ অন্তৰ্গত আমতলা লেংটা বজাৰত শুকুৰবাৰে নিশা ৰাইজৰ সহযোগত আৰক্ষীয়ে ড্ৰাগছ সৰবৰাহকাৰী এজন যুৱকক কৰায়ত্ব কৰে ।

উল্লেখ্য যে, ড্ৰাগছ সৰবৰাহ কৰি থকাৰ অৱস্থাতে খাটোৱাল আৰক্ষীয়ে যুৱক জনক হাতেলোটে ধৰিবলৈ সক্ষম হয় । ধৃত যুৱক জন নগাঁও ভুটাই গাঁৱৰ ৰাহুল হাজৰিকা বুলি জানিব পৰা গৈছে ৷

অৱশ্যে ধৃত ৰাহুলৰ সহযোগী ক্ৰমে, ড্ৰাগছ ব্যৱসায়ী গুলজাৰ হুছেইন, জাকিৰ হুছেইন আৰু মুন আলী ওৰফে বাবুয়ে আৰক্ষীৰ বেহু ফালি ঘটনাস্থলিৰ পৰা পলায় যাবলৈ সক্ষম হয় ৷ আনহাতে, আৰক্ষীয়ে ঘটনাস্থলিৰ পৰা ১.১৫ গ্ৰাম ড্ৰাগছ সহ তিনিখনকৈ বাইক উদ্ধাৰ কৰে ।

লগতে পঢ়ক : চৰাইদেউত ক'ভিড পৰিস্থিতিৰ বুজ ল'লে স্বাস্থ্যমন্ত্ৰী কেশৱ মহন্তই