নগাঁও, 10 মাৰ্চ : বৰ্তমানৰ যুৱ প্ৰজন্মক কোঙা কৰি পেলোৱা ড্ৰাগছকে ধৰি বিভিন্ন নিষিদ্ধ নিচাজাতীয় সামগ্ৰীৰ বিৰুদ্ধে নগাওঁ আৰক্ষী তথা প্ৰশাসনে গ্ৰহণ কৰি আহিছে বিভিন্ন কঠোৰ পদক্ষেপ ৷ সেয়ে এইবাৰ নগাঁৱৰ ভাৰপ্ৰাপ্ত আৰক্ষী অধীক্ষক ধ্ৰুৱ বৰাৰ নেতৃত্বত নগাঁৱত(Anti Drugs Mission)ড্ৰাগছ, গৰুৰ চোৰাং সৰবৰাহকে ধৰি বিভিন্ন অপৰাধীৰ বিৰুদ্ধে পৃথকে পৃথকে অভিযান চলাই বৃহৎ সফলতা লাভ কৰিবলৈ সক্ষম হৈছে(Drugs seized by Nagaon Police) ৷
বৃহস্পতিবাৰে নগাঁৱৰ অভিযান চলাই ৰেংবেঙৰ পৰা নিষিদ্ধ মৰ্ফিনসহ দুই কুখ্যাত ড্ৰাগছ মাফিয়াক আটক কৰিবলৈ সক্ষম হয় নগাঁও আৰক্ষী(Drug peddler arrested in Nagaon) । দুশ গ্ৰাম মৰ্ফিন, নগদ ধনসহ যমুনামুখৰ বাচিৰুদ্দিন আৰু উত্তৰ ত্ৰিপুৰাৰ চৈৰবাৰীৰ ফাৰুক ইছলাম নামৰ দুই ড্ৰাগছ সৰবৰহাকাৰীক নগাঁও আৰক্ষীয়ে আটক কৰিবলৈ সক্ষম হয় ৷ ইফালে ড্ৰাগছ সৰবৰাহকাৰীয়ে ব্যৱহাৰ কৰা এখন পালছাৰ বাইকো জব্দ কৰে আৰক্ষীয়ে ৷
একেদিনাই নগাঁৱৰ হয়বৰগাঁও আৰু জুৰীয়া আৰক্ষীৰ যৌথ অভিযানত জুৰীয়াৰ গৰিয়া কাৱৈমাৰীৰ পৰা আটক হয় আন এটা ড্ৰাগছ সৰবৰাহকাৰী। গৰিয়া কাৱৈমাৰীত অভিযান চলাই আৰক্ষীৰ দলটোৱে ১ বক্স হেৰ'ইনৰ লগতে ৫০০ খালী কণ্টেইনাৰসহ মোছাব্বিৰ হুছেইন নামৰ ড্ৰাগছ সৰবৰাহকাৰীটোক আটক কৰিবলৈ সক্ষম হয় । দীর্ঘদনৰ পৰাই ড্ৰাগছৰ ব্যৱসায় কৰাৰ অভিযোগ মোছাব্বিৰৰ বিৰুদ্ধে ।
একেটা দিনতে নগাঁও আৰক্ষীয়ে নগাঁও চহৰৰ মৰিকলং হোটেলবাৰীৰ পৰা হেৰ'ইনৰ লগতে নিচাজাতীয় কেপচুলসহ দুটাকৈ ড্ৰাগছ সৰবৰাহকাৰীক আটক কৰিবলৈ সক্ষম হয় । ধৃত ড্ৰাগছ সৰবৰাহকাৰী দুটা হৈছে দিলদাৰ হুছেইন আৰু ছাহিল আহমেদ।
ইপিনে, নগাঁও আৰক্ষীৰ মহিলা শাখাৰ ভাৰপ্ৰাপ্ত বিষয়া জোনমণি ৰাভাৰ নেতৃত্বত আৰক্ষীৰ এটা দলে চামগুৰিৰ চামগুৰি বজাৰত অভিযান চলাই হেৰ'ইনসহ এজন সৰবৰাহকাৰীক আটক কৰিবলৈ সক্ষম হয় । চামগুৰি বজাৰৰ পৰা আৰক্ষীয়ে নাৰায়ণ কুমাৰ ৰয় নামৰ এটা ড্ৰাগছ মাফিয়াক আটক কৰিবলৈ সক্ষম হয় নগাঁও আৰক্ষীৰ দলটো।
আনহাতে, একেদিনাই নগাঁৱৰ ধিং আৰক্ষীয়ে চলোৱা আন এক অভিযানত আটক হয় গৰুৰ চোৰাং সৰবৰাহৰ লগত জড়িত এজন লোক । ধিং আৰক্ষীয়ে ধিঙৰ খালকাটিত অভিযান চলাই গৰুভৰ্তি এখন ট্ৰাক জব্দ কৰাৰ লগতে চামগুৰিৰ মফিদুল ইছলাম নামৰ লোকজনক আটক কৰিবলৈ সক্ষম হয়। ধিঙৰ পৰা মেঘালয়লৈ সৰবৰাহৰ চেষ্টা কৰাৰ সময়ত ২৮ টাকৈ গৰু জব্দ কৰে আৰক্ষীয়ে(Drug peddler and cattle smuggler arrested in Nagaon) ।
লগতে পঢ়ক : বৰপেটাৰোডত ড্ৰাগছ সহ এজন ড্ৰাগছ সৰবৰাহকাৰীক আটক
