চামগুৰি,20 ডিচেম্বৰ : বিৰোধী দলৰ উপ দলপতি ৰকিবুল হুছেইনে বিজেপিত যোগদান কৰিলে বুথ সভাপতিৰ দায়িত্ব লাভ কৰিব ৷ এই মন্তব্য কৰে বিজেপিৰ কলিয়াবৰ জিলা সমিতিৰ সভাপতি অনিল শইকীয়াই ৷
অনিল শইকীয়াৰ মন্তব্য
ৰূপহীহাটৰ বৰঘাটত শনিবাৰে সন্ধিয়া বিজেপিৰ কৰ্মী সভাত উপস্থিত হৈ এইদৰে বিস্ফোৰক মন্তব্য কৰে অনিল শইকীয়াই । তেওঁ ভাষণ প্ৰসংগত বিজেপিৰ কৰ্মকৰ্তাৰ মনোবল বৃদ্ধিৰ চেষ্টা চলায় । লগতে তেওঁ প্ৰাক্তন মন্ত্ৰী ৰকিবুল হুছেইন, ৰূপহীহাটৰ বিধায়ক নুৰুল হুদা আৰু ধিং সমষ্টিৰ বিধায়ক আমিনুল ইছলামক ৰাজনৈতিক শত্ৰু হিচাপে অভিহিত কৰে ।
তদুপৰি কেইদিনমান পূৰ্বে বিজেপি আৰু কংগ্ৰেছ কৰ্মী মাজত হোৱা প্ৰচণ্ড মাৰপিট ঘটনা সন্দৰ্ভত কেইবাটাও মন্তব্য কৰে অনিল শইকীয়াই ৷
লগতে পঢ়ক : কামাখ্যা ধামত উপস্থিত দেশৰ মুখ্য ন্যায়াধীশ শৰদ অৰবিন্দ ববডে
