কোনো ৰাজনৈতিক দলত যোগদান নকৰে বিপিন চাউদাঙে

হাতীগাঁও সন্মিলিত যুৱক সংঘৰ সৌজন্যত আয়োজিত বিহুৰ সাংস্কৃতিক অনুষ্ঠানত গীত পৰিৱেশন কৰি দেহত শেষ বিন্দু তেজ থকালৈকে কোনো ৰাজনৈতিক দলত যোগদান নকৰে বুলি প্ৰকাশ কৰে কন্ঠশিল্পী বিপিন চাউদাঙে ৷

কলিয়াবৰ,20 এপ্ৰিল: সোমবাৰে কলিয়াবৰৰ হাতীগাঁও সন্মিলিত যুৱক সংঘৰ সৌজন্যত আয়োজিত বিহুৰ সাংস্কৃতিক অনুষ্ঠানত গীত পৰিৱেশন কৰে জনপ্ৰিয় কন্ঠশিল্পী বিপিন চাউদাঙে ৷ ৰাইজৰ মৰম-আশীৰ্বাদ বুটলিবলৈ সক্ষম হোৱা কন্ঠশিল্পী গৰাকীয়ে অনুষ্ঠানখনত উপস্থিত ৰাইজৰ মাজত সময় অতিবাহিত কৰে যদিও ৰাজ্য চৰকাৰে বান্ধি দিয়া ক'ভিড নিৰ্দেশনা মানি নিশা 11 বজাৰ আগতে সংগীতানুষ্ঠানৰ সামৰণি পেলাই ৷

উল্লেখ্য যে, অসমীয়া চহা জীৱনৰ গীত গাই প্ৰশাসনৰ ৰোষত পৰি তিনিমাহ কাৰাৰুদ্ধ হোৱা কন্ঠশিল্পী গৰাকীয়ে কয়, দেহত শেষ বিন্দু তেজ থকালৈকে কোনো ৰাজনৈতিক দলত যোগদান নকৰে ৷ একাংশই কন্ঠশিল্পী গৰাকীয়ে ৰাজনৈতিক দলত যোগদান কৰিব বুলি চলোৱা প্ৰচাৰক নস্যাৎ কৰি তেনে আলোচনাৰ কোনো সত্য-সত‍্যতা নাই বুলি উল্লেখ কৰে ৷

লগতে পঢ়ক: ক'ভিডৰ ভয়াৱহতা: বাতিল হ’ল শিলঘাট অশোকাষ্টমী মেলা