নগাঁও,25 এপ্ৰিলঃ দিনে-দিনে নগাঁৱত বৃদ্ধি পাইছে অসামাজিক কাৰ্য-কলাপৰ লগতে অপৰাধমূলক ঘটনা ৷ নগাঁৱৰ আজাদনগৰৰ নাজিৰাজানত আজি গাঁওৰক্ষী বাহিনীৰ সম্পাদকক হত্যাৰ চেষ্টা চলালে এগৰাকী ড্ৰাগছ ব্যৱসায়ীয়ে৷ ঘটনা অনুসৰি,কিছুদিন পূৰ্বে আজাদনগৰৰ নাজিৰাজান গাঁওৰক্ষী বাহিনীয়ে অঞ্চলটোৰ ছলমান হুছেইন নামৰ যুৱকজনৰ পৰিয়ালৰ লোকৰ অভিযোগৰ ভিত্তিতেই অভিযান চলাই যুৱকজনক বাধা প্ৰদান কৰিছিল নিষিদ্ধ ড্ৰাগছৰ ব্যৱসায় কৰাত ৷ এইয়াই যেন কাল হ'ল গাঁওৰক্ষী বাহিনীৰ সম্পাদক খলিল উদ্দিনৰ ৷ প্ৰতিশোধৰ পণ লোৱা ড্ৰাগছ ব্যৱসায়ী ছলমান হুছেইনে আজি পুৱাই চোকা অস্ত্ৰৰে খলিল উদ্দিনক হত্যাৰ চেষ্টা চলায়৷ কিন্তু আক্ৰমণৰ লগে লগে ঘটনাস্থলীত এক উত্তপ্ত পৰিস্থিতিৰ সৃষ্টি হোৱাত স্থানীয় লোকৰ তৎপৰতাত কথামপি ৰক্ষা পৰে গাঁওৰক্ষী বাহিনীৰ সম্পাদক গৰাকী৷ ইপিনে ৰাইজে আক্ৰমণকাৰী তথা ড্ৰাগছ ব্যৱসায়ী ছলমান হুছেইনক আটক কৰি আৰক্ষীক গতাই দিয়ে ৷ আনহাতে আক্ৰমণকাৰী ড্ৰাগছ ব্যৱসায়ীজনৰ বিৰুদ্ধে এতিয়া কঠোৰ শাস্তিৰ দাবী কৰিছে স্থানীয় ৰাইজে ৷
লগতে পঢ়কঃ ব্যাপক হাৰত পৰীক্ষা কৰাই মূল উপায়
