নগাঁও,১ জুলাই : বিশিষ্ট চিত্ৰশিল্পী প্ৰণৱ বৰুৱাৰ মূল্যবান সৃষ্টিৰাজী সংৰক্ষণৰ বাবে নগাঁৱত ডেৰ কোটি টকা ব্যয়েৰে এখন আৰ্ট গেলাৰী স্থাপন কৰা হ'ব। য'ত থাকিব বৰুৱাই অংকণ কৰা চিত্ৰ। লগতে বিজ্ঞানসন্মত ভাৱে নিৰ্মাণ কৰিবলৈ লোৱা এই আৰ্ট গেলেৰীত থাকিব প্ৰদৰ্শনীৰ সুবিধা।
নগাঁৱত ডেৰ কোটি টকা ব্যয়েৰে স্থাপন কৰা হ'ব আৰ্ট গেলেৰী প্ৰয়াত প্ৰণৱ বৰুৱাৰ কণ্যা লখিমী বৰুৱাই ব্যক্তিগত পুঁজিৰ ৩০ লাখ টকাৰে নিৰ্মাণ কাৰ্য আৰম্ভ কৰা আৰ্ট গেলেৰী নিৰ্মাণৰ বাবে চৰকাৰী পুঁজিৰ পৰা ৫০ লাখ টকাৰ অনুদান দিয়াৰ প্ৰতিশ্ৰুতি দিয়ে স্থানীয় বিধায়ক ৰূপক শৰ্মাই। পৰৱৰ্তী সময়ত শিল্পী প্ৰণৱ বৰুৱা কোলাক্ষেত্ৰ পৰিচালনা সমিতিয়ে নিৰ্মাণ কাৰ্যত সহযোগ কৰিব। উল্লেখ্য যে প্ৰণৱ বৰুৱাৰ মৃত্যুৰ পিচত ২০০২ চনতে প্ৰণৱ বৰুৱা কোলাক্ষেত্ৰ পৰিচালনা সমিতি গঠন হৈছিল। এই সমিতিয়ে ২০০২ চনৰ পৰাই শিল্পী প্ৰণৱ বৰুৱাৰ সৃষ্টিৰাজিক সংৰক্ষণৰ বাবে প্ৰচেষ্টা অব্যাহত ৰাখিছে। প্ৰণৱ বৰুৱা কলাক্ষেত্ৰ পৰিচালনা সমিতি,চৰকাৰ আৰু পৰিয়ালৰ লোকৰ সহযোগত এতিয়া পূৰণ হোৱাৰ দিশত প্ৰয়াত শিল্পী প্ৰণৱ বৰুৱাৰ পত্নীৰ সপোন।
