বঢ়মপুৰ,২০ মাৰ্চ: ক্ৰমাৎ আকৰ্ষণীয় হৈ উঠিছে ৰহাৰ নিৰ্বাচনী প্ৰচাৰ ৷ ৭ গৰাকী প্ৰাৰ্থীয়ে প্ৰতিদ্বন্দ্বিতা আগবঢ়োৱা ৰহা সমষ্টিত তুংগত উঠিছে নিৰ্বাচনী প্ৰচাৰ ৷ যিয়ে যেনেকৈ পাৰে, ভোটাৰক আকৰ্ষণ কৰাৰ চেষ্টা চলাইছে ৷ বৃদ্ধজনৰ আশীষ লৈ ভোটাৰৰ মন জয় কৰাৰ চেষ্টা অসম জাতীয় পৰিষদৰ প্ৰাৰ্থী উৎপল বণিয়াৰ ৷
চৌদিশে নিৰ্বাচনী গৰম বতাহ বলি থকাৰ সময়তে ৰহা সমষ্টিৰ চুকে-কোণে সকলো ভোটাৰৰ কাষ চাপিছে উৎপল বণিয়া ৷ বিশেষকৈ মহিলা ভোটাৰসকলক সৰ্বাধিক লক্ষ্য কৰি লৈছে প্ৰাৰ্থী গৰাকীয়ে ৷
শুকুৰবাৰে ৰহা সমষ্টিৰ বকুলগুৰি, চানখোলা, গাৰোখুন্দা আৰু চাংচকী পঞ্চায়তৰ বৃদ্ধসকলৰ পৰা আশীৰ্বাদ লৈ নিৰ্বাচনী প্ৰচাৰ চলাই প্ৰাৰ্থীগৰাকীয়ে ৷ তাৰ পিছতে ৰাইজৰ বিপুল সঁহাৰি লাভ কৰি এইবাৰ অসম জাতীয় পৰিষদৰ চৰকাৰ গঠন হোৱাতো নিশ্চিত বুলি মন্তব্য কৰে উৎপল বণিয়াই ৷
লগতে পঢ়ক: গুৱাহাটীত বাধ্যতামূলক মাস্ক
