নগাঁও/চামগুৰি,13 মে’: বৃহস্পতিবাৰে বিয়লি নগাঁৱৰ বামুণী পাহাৰত কেবাটাও হাতীৰ মৃতদেহ উদ্ধাৰ হোৱা ঘটনাই সম্প্ৰতি ব্যাপক চাঞ্চল্যৰ সৃষ্টি কৰিছে অঞ্চলটোত । ইপিনে ঘটনাৰ খবৰ লাভ কৰাৰ লগে লগে ঘটনাস্থলীত উপস্থিত হয় বন বিভাগৰ বিষয়া কৰ্মীৰ লগতে বঢ়মপুৰ সমষ্টিৰ নৱ নিৰ্বাচিত বিধায়ক জিতু গোস্বামী ।
উল্লেখযোগ্য যে, ২০ টাকৈ হাতীৰ মৃত্যু হোৱা বুলি অনুমান কৰা হৈছে যদিও এই পৰ্যন্ত মৃত্যু হোৱা হাতীৰ সংখ্যা প্ৰকৃততে কিমান সেয়া এতিয়াও নিশ্চিত হ’ব পৰা নাই । আনহাতে স্থানীয় বিধায়ক জিতু গোস্বামীৰ মতে, মঙলবাৰে নিশা হোৱা বৰষুণৰ সময়তেই বজ্ৰপাত পৰাৰ ফলত প্ৰায় ২২ টাকৈ হাতীৰ মৃত্যু হৈছে । সমগ্ৰ ঘটনা সন্দৰ্ভত তদন্ত কৰিবলৈ বিভাগীয় কৰ্তৃপক্ষক স্থানীয় বিধায়ক জিতু গোস্বামীয়ে নিৰ্দেশ প্ৰদান কৰিছে ।
মন কৰিবলগীয়া যে, এনেদৰে একেলগে বহুকেইটা হাতীৰ মৃত্যু হোৱাৰ ঘটনাক সহজভাৱে ল’ব পৰা নাই স্থানীয় লোকৰ লগতে প্ৰকৃতিপ্ৰেমী সকলে । সম্প্ৰতি সমগ্ৰ ঘটনাৰ সৰ্ন্দভত চিবিআইj দ্বাৰা তদন্ত কৰাৰ দাবী জনাইছে প্ৰকৃতিপ্ৰেমী সকলে ৷
লগতে পঢ়কঃ কৃষ্ণগুৰু সেৱাশ্ৰমত উপস্থিত প্ৰাক্তন মুখ্যমন্ত্ৰী সৰ্বানন্দ সোণোৱাল
