মৰিগাঁও,30 জানুৱাৰী: গৌৰৱোজ্জল ৰূপালী জয়ন্তী বৰ্ষত ভৰি দিলে ধিং শংকৰদেৱ বিদ্যা নিকেতনে ৷ 1997 চনতে প্ৰতিষ্ঠা লাভ কৰা ধিং শংকৰদেৱ বিদ্যা নিকেতনে 24 বছৰ অতিক্ৰমী এইবৰ্ষত ভৰি দিলে গৌৰৱোজ্বল ৰূপালী জয়ন্তী বৰ্ষত ৷ সেই উপলক্ষে বিদ্যালয়খনত শনিবাৰৰে পৰা উলহ-মালহেৰে উদযাপন কৰা হৈছে ৰূপালী জয়ন্তী বৰ্ষৰ বাৰেৰহনীয়া কাৰ্যসূচী ৷
শনিবাৰে পুৱাই পতকা উত্তোলনেৰে শুভাৰম্ভ কৰা হয় গৌৰৱোজ্জল ৰূপালী জয়ন্তী বৰ্ষৰ কাৰ্যসূচী ৷ পতাকা উত্তোলনৰ পাছতেই নিকেতনৰ ছাত্ৰ ছাত্ৰীসকলৰ মাজত অনুষ্ঠিত কৰা হয় গীত-মাতকে ধৰি বিভিন্ন আৰ্কষণীয় অনুষ্ঠান ৷ তাৰ পাছতেই ধিঙৰ ৰাজপথত উলিওৱা হয় এক বৰ্ণিল সাংস্কৃতিক শোভাযাত্ৰা ৷ সাংস্কৃতিক শুভাযাত্ৰাৰ শুভ উদ্বোধন কৰে ধিঙৰ বিশিষ্ট শিক্ষাবিদ তুলসীৰাম নাথে ৷
লগতে পঢ়কঃ গো-মাফিয়া আদম আলীক ৫ দিনৰ বাবে আৰক্ষীৰ জিম্মালৈ প্ৰেৰণ
